8:436  le  fauli  faire,  et  semblera  qu'ils  soyent  fort  bien  deliberez;  mais  au  besoing  le  cueur  IQVY  fault,  et  ceulx  qui  ont  bien  commence  se  lassent  nu  milieu  du  chemin  le  plus  souvent.  D'autant  plus  doncques  avons-nous  a  recorder  ceste  lecon  de  caver  des  puits,  c'est  a  dire  de  cercher  les  moyens  qui  n'apparoissent  point,  pour  passer  tousiours  oultre.  Efforconsnous,  di-ic,  par  dessus  toute  vertu  humaine.  Si  les  choses  ne  viennent  point  a  nostre  gre,  ne  laissons  point  de  poursuyvre  en  patience  le  bon  train  ou  Dieu  nous  a  mis.  Il  est  certain,  quand  nous  invoquerons  Dieu  en  vraye  foy,  qu'il  pourra  bien  convertir  les  desers  en  fontaines.  Mais  cependant  il  convient  aussi,  d'un  autre  coste,  mettre  les  mains  a  la  paste  (comme  on  dit),  car  Dieu  ne  veult  point  que  nous  demeurions  stupides,  sans  remuer  ne  bras  ne  iambes.  Plustost  il  nous  commande  de  caver  les  puits.  Travaillons  doncques  a  caver  iusques  a  ce  que  nous  ayons  accompli  nostre  chemin.  Regardons  ces  povres  malheureux  soldats,  qui  vendent  leur  vie  a  tant  pour  mois.  S'ils  sont  en  un  camp,  quelle  povrete  est-ce  qu'ils  endurent!  S'ils  sont  assiegez,  encores  pis;  s'ils  vont  par  pais,  il  n'y  a  ne  froid  ne  chaud,  ne  vent  ne  pluye,  qui  les  empesche  de  leur  entreprise.  Ils  viendront  bien  quelque  fois  iusques  [f.  67]  la  que  s'ils  ne  fouissent  pour  trouver  eaue,  ils  n'auront  point  une  goutte  a  boire.  Il  n'y  a  nul  travail,  ne  disette,  ne  malheurete,  de  quoy  ils  ne  viennent  a  bout.  Ont-ils  tout  faict?  Soit  qu'ils  eschappent  ou  non,  ils  ont  bien  perdu  leur  peine,  d'autant  qu'ils  n'ont  servi  qu'a  Satan.  Le  Fils  de  Dieu,  par  sa  grace  infinie,  nous  a  esleus  pour  estre  ses  soldats.  Nous  scavons  quel  loyer  il  nous  a  appreste.  Combien  debvons-nous  donc  estre  plus  courageux  a  son  service,  que  ces  povres  desesperez-la  ne  sont  a  pourchasser  leur  ruine!  Or  il  n'est  pas  question  yci  seulement  que  chascun  compte  combien  il  y  a  de  lieues  depuis  sa  maison  iusqu'au  lieu  ou  il  puisse  adorer  Dieu  librement,  faire  confession  de  sa  foy,  et  ouir  prescher  la  pure  doctrine  de  l'Evangile:  nous  avons  bien  plus  long  chemin  a  faire,  qui  dure  tout  le  temps  de  nostre  vie.  Avons-nous  frequente  le  Temple  de  Dieu  un  an  ou  plus?  En  continuant  nous  trouverons  iournellement  de  nouveaux  desers;  car  nous  serons  un  coup  affligez  de  maladie,  l'autre  de  povrete.  La  femme  ou  les  enfans  mourront;  les  moyens  seront  ostez  de  servir  a  Dieu  comme  auparavant;  nous  serons  agitez  d'inquietude  et  divers  troubles.  Parquoy  il  est  requis  que  iusques  a  la  fin  nous  ayons  les  mains  prestes  a  caver  puits,  et  les  ongles  a  grater  la  terre,  si  besoing  est.  Si  quelqu'un  allegue:  Comment  doncques?  ne  sommesnous  pas  au  Temple  de  Dieu?  Ie  respond  que  nous  y  sommes  pour  y  venir  et  entrer  par  chascun  iour.  Nous  contemplons  la  face  de  Dieu,  mais  nous