7:436  se  omnino  esse  in  numero  praedestinatorum:  quasi  verum  esset,  quod  [pag.  149]  iustificatus,  aut  amplius  peccare  non  possit,  aut  si  peccaverit  certam  sibi  resipiscentiam  promittere  debeat:  nam  sine  speciali  revelatione  scire  non  potest,l)  quos  Deus  sibi  elegerit.  De  perseverantiae  munere.  XIV.  Similiter  de  perseverantiae  munere,  de  quo  scriptum  est:  Qui  perseveraverit  usque  in  finem,  salvus  erit:  quod  quidem  aliunde  haberi  non  potest,  nisi  ab  eo,  qui  potens  est,  eum  qui  stat,  statuere,  ut  perseveranter  stet,  et  eum  qui  cadit,  restituere:  nemo  sibi  certi  aliquid,  absoluta  certitudine  polliceatur,  tametsi  in  Dei  auxilio  firmissimam  spem  collocare  et  reponere  omnes  debent.  Deus  enim  nisi  ipsi  illius  gratiae  defuerint,  sicut  coepit  opus  bonum,  ita  perficiet,  operans  velle  et  perficere:  tamen  qui  se  existimat2)  stare,  videat  ne  cadat,  et  cum  timore,  ac  tremore,  salutem  suam  operetur,  in  laboribus,  in  vigiliis,  in  eleemosynis,  in  orationibus  et  oblationibus,  in  ieiuniis  et  castitate.  Formidare  enim  debent,  scientes  quod  [pag.  150]  in  spem  gloriae,  et  nondum  in  gloria  renati  sunt,  de  pugna,  quae  superest  cum  carne,  cum  mundo,  omn  Diabolo,  in  qua  victores  esse  non  possunt,  nisi  cum  Dei  gratia.  Apostolo  obtemperent  dicenti:  Debitores  sumus  non  carni,  ut  secundum  carnem  vivamus  :  si  enim  secundum  carnem  vixeritis,  moriemini,  si  autem  Spiritu  facta  carnis  mortificaveritis,  vivetis.  De  lapsis,  et  eorum  reparatione.  XV.  Qui  vero  ab  accepta  iustificationis  gratia  per  peccatum  exciderunt,  rursus  iustificari  poterunt,  quum  excitante  Deo,  per  poenitentiae  sacramentum,  merito  Christi,  amissam  gratiam  reparare^)  procuraverint.  Hic  enim  iustificationis  modus  est,  lapsi  reparatio,  quam  secundam  post  naufragium  deperditae  gratiae  tabulam,  apte  nuncuparunt  patres.  Etenim  pro  his  [pag.  151]  qui  post  baptismum  in  peccata  labuntur,  Christus  Iesus  sacramentum  statuit*)  poenitentiae,  quum  dixit:  Accipite  Spiritum  sanctum:  quorum  remiseritis  peccata,  remittuntur  eis  :  et  quorum  retinueritis,  retenta  sunt.  Unde  dicendum0)  est,  Christiani  hominis  poenitentiam,  post  lapsum,  multo  aliam  esse  a  baptismali,  eamque6)  contineri  non  modo  cessatione  a  peccatis,  et  eorum  detestatione,  aut  corde  contrito  et  humiliato:  verum  etiam  eorundem  sacramentali  confessione:  saltem  in  voto,  et  suo  tempore  facienda,  et  sacerdotali  absolutione.  Itemque  satisfac-  1)  Edd.  nam  nisi  ex  speciali  revelatione  sciri  non  potest.  2)  Al.  existimant  .  .  .  .  videant  .  .  .  .  ete.  3)  Edd.  recuperare.  4)  Al.  instituit.  5)  Al.  docendum.  6)  Al.  eaque  contineri  .  .  .  .  cessationem  .  .  .  .  detestationem  aut  cor  contritum  et  humiliatum  et  sic  porro.