6:436  plus  forte  et  de  meilleure  pointe,  et  de  meilleur  trenchant  que  n'est  pas  ceste  la.  Sont  ilz  si  bestes  d'imaginer  que  ce  soit  une  guerre  charnelle,  qu'ont  tant  les  Anges  que  les  fideles  a  lencontre  des  Diables,  laquelle  se  demene  par  glaive  materiel?  Mais  c'est  ce  que  i'ay  dit  du  commencement:  que  le  monde  meritoit  bien  d'estre  seduict  en  telle  bestise,  d'autant  qu'il  estoit  si  pervers  de  convoiter  des  idoles  et  marmosetz  pour  adorer,  au  lieu  de  servir  au  Dieu  vivant.  Pour  tenir  ordre,  il  nous  faut  maintenant  traicter  de  sainct  Iehan  Baptiste,  lequel,  selon  l'histoire  Evangelique,  [page  70]  c'est  a  dire  la  verite  de  Dieu,  apres  avoir  este  decolle,  fut  enterre  par  ses  disciples.  Theodorite,  chroniqueur  ancien  de  l'Eglise,  racompte  que  son  sepulcre  estant  en  Sebaste,  ville  de  Sirie,  fut  ouvert  par  les  Payens  quelque  temps  apres,  et  que  ses  os  furent  bruslez  par  iceux,  et  la  cendre  esparse  en  l'air.  Combien  que  Eusebe  adiouste,  que  quelques  hommes  de  Ierusalem  survindrent  la  et  en  prindrent  en  cachette  quelque  peu,  qui  fut  porte  en  Antioche,  et  la  enterre  par  Athanaiso  en  une  muraille.  Touchant  de  la  teste,  Sozomenus,  un  autre  chroniqueur,  dict  qu'elle  fut  emportee  par  l'Empereur  Theodose  aupres  de  la  ville  de  Constantinople.  Parquoy,  selon  les  histoires  anciennes,  tout  le  corps  fut  brusle,  excepte  la  teste;  et  tous  les  os  et  les  cendres  perdues,  excepte  quelque  petite  portion  que  prindrent  les  hermites  de  Ierusalem  a  la  desrobee.  Voyons  maintenant  ce  qu'il  s'en  trouve.  Ceux  d'Amiens  se  glorifient  d'avoir  le  visage;  et  en  la  masque  qu'ilz  montrent,  il  y  a  la  marque  [page  71]  d'un  coup  de  cousteau  sur  l'oeil,  qu'ilz  disent  que  Herodias  luy  donna.  Mais  ceux  de  sainct  Iehan  d'Angely  contredisent,  et  monstrent  la  mesme  partie.  Quant  au  reste  de  la  teste,  le  dessus,  depuis  le  front  iusques  au  derriere,  *)  estoit  a  Rhodes,  et  est  maintenant  a  Maltes,  comme  ie  pense:  au  moins  les  Commandeurs  ont  faict  a  croire  que  le  Turc  le  leur  avoit  rendu.  Le  derriere  est  a  sainct  Iehan  de  Nemours;  la  cervelle  est  a  Noyan  le  Rantroux.2)  Nonobstant  cela,  ceux  de  sainct  Iehan  de  Morienne  ne  laissent  point  d'avoir  une  partie  de  la  teste.  Sa  machoire  ne  laisse  point  a  estre  a  Besanson,  a  sainct  Iehan  le  grand.  Il  y  en  a  une  autre  partie  a  sainct  Iehan  de  Latran,  a  Paris;  et  a  sainct  Elour  en  Auvergne,  un  bout  de  l'aureille.  A  sainct  Salvador  en  Hespaigne,  le  front  et  des  cheveux.  Il  y  en  a  aussi  bien  quelque  lopin  a  Noyon,  qui  s'y  monstre  fort  autentiquement.  Il  y  en  a  semblablement  une  partie  a  1)  ad  cervicem  usque  G.  2)  Ainsi  ecrivent  toutes  les  editions  francaises.  M.  Lacroix  y  a  substitue  la  forme  moderne:  Nogent-le-Itotrou  (G.  a:  Novii  Rantroviensis).