54:436  ni  violence,  ni  iniure  a  personne.  C'est  ce  que  S.  Paul  a  entendu  par  ce  mot  de  Iustice.  Or  il  y  a  la  sainctete  qui  se  rapporte  principalement  a  Dieu,  c'est  ascavoir  quand  non  seulement  nous  conversons  avec  nos  prochains  sans  mal  faire,  mais  aussi  que  nous  sommes  chastes,  que  nous  sommes  adonnez  a  servir  a  Dieu,  que  nous  avons  tout  ce  qui  est  de  la  premiere  table  de  la  Loy  pour  recommande:  c'est  ascavoir,  les  prieres  et  les  oraisons,  l'hommage  que  nous  faisons  a  Dieu.  Et  puis  que  nous  apprenions  de  nous  retirer  de  ce  monde,  n'estans  point  addonnez  a  pompes  et  a  vanitez  et  dissolutions,  mais  plustost  souffrans  en  toute  humilite  d'estre  recueillis  en  l'obeissance  de  Dieu.  Voila  ce  qu'emporte  la  sainctete.  Aussi  la  iustice  a  son  regard  aux  hommes:  pource  que  c'est  la  vertu  par  laquelle  la  droiture  et  equite  est  observee  envers  un  chacun.  Ii  y  a  finalement  V  attrempance.  Or  ce  mot  est  pour  comprendre  ce  qui  pouvoit  estre  entendu  sous  le  mot  de  sobriete.  Car  ce  n'est  point  assez  qu'au  boire  et  au  manger  nous  soyons  sobres,  mais  il  faut  aussi  qu'il  y  ait  attrempance  et  honnestete  en  tout  le  reste  de  nostre  vie,  et  que  les  mains,  les  yeux,  les  aureilles,  et  la  bouche  soyent  comme  tenus  en  bride.  C'est  a  quoy  sainct  Paul  a  pretendu  par  Pattreinpance,  qui  signifie  autant  comme  s'il  disoit  que  nous  devons  estre  posez  et  moderez,  qu'il  n'y  doit  avoir  nulles  dissolutions,  ni  gestes  impudiques  en  nous,  nulle  vanite  dont  on  appercoive  que  nous  soyons  dissolus  et  vileins:  mais  que  nous  devons  estre  retenus  tellement  sous  l'obeissance  de  Dieu,  qu'on  appercoive  que  nous  avons  renonce  au  monde.  C'est  en  somme  ce  qu'il  met  ici.  Or  en  la  fin  il  adiouste,  Qu'ils  soyent  prests  d'embrasser  la  parole  fidele,  qui  est  selon  doctrine.  Et  c'est  le  principal  qui  est  requis  aux  Ministres  de  la  parole,  ascavoir  que  non  seulement  ils  soyent  instruits  pour  enseigner  les  autres,  mais  qu'ils  soyent  forts  et  constants  pour  tenir  bon  et  pour  batailles,  quand  il  sera  question  de  maintenir  la  doctrine  de  verite,  a  ce  qu'elle  demeure  en  son  entier.  Et  voila  pourquoy  sainct  Paul  use  d'un  mot  qui  signifie  proprement  tenir  et  embrasser.  Il  faut  donc  que  nous  retenions  la  doctrine  de  verite:  car  si  nous  l'avons  apprehendee  fort  et  ferme,  iamais  elle  ne  nous  eschapper  a,  combien  que  le  diable  machine  tout  ce  qui  sera  possible  pour  nous  la  faire  escourre,  que  neantmoins  iamais  nous  n'en  serons  divertis.  Il  met  quant  et  quant  l'usage,  a  ce  que  nous  puissions  exhorter  par  saine  doctrine,  et  redarguer  les  contredisans:  c'est  ascavoir  que  nous  ayons  la  faculte  et  moyen  d'enseigner  ceux  qui  sont  prests  d'obeir  a  Dieu,  et  qui  se  rendent  paisibles:  mais  que  nous  ayons  quant  et  quant  la  vertu  de  batailler  contre  les  contredisans,  contre  les  ennemis  de  la