5:436  en  son  Evangile,  touchant  de  nous  faire  participans  de  son  corps  et  de  son  sang:  et  nous  donner  certitude  et  asseurance  qu'en  cela  gist  nostre  vraye  nourriture  spirituelle,  a,  ce  que  ayant  un  telle  arre,  nous  concepvions  droicte  fiance  de  salut.  Secondement,  a  fin  de  nous  exerci  ter  a,  recongnoistre  sa  grande  bonte  sur  nous,  pour  la  louer  et  magnifier  plus  amplement.  Tiercement,  a  fin  de  nous  exhorter  a  toute  sainctete  et  innocence,  entant  que  nous  sommes  membres  de  Iesus  Christ  :  et  singulierement  a  union  et  charite  fraternelle,  comme  [pag.  io]  elle  nous  y  est  en  special  recommandee.  Quand  nous  aurons  bien  note  ces  troys  raisons,  que  le  Seigneur  a  regardoes  en  nous  ordonnant  sa  Cene,  nous  aurons  desia  une  entree  a  bien  entendre,  et  quel  proffit  nous  en  revient,  et  quel  est  nostre  office  pour  droictement  en  user.  Il  est  doncq  temps  de  venir  au  deuxiesme  l)  point:  a  scavoir,  de  monstrer  combien  la  Cene  du  Seigneur  nous  est  proffitable,  moyennant  que  nous  en  facions  bien  nostre  proffit.2)  Or,  nous  congnoistrons  l'utilite,  en  reputant  nostre  indigence,  a  laquelle  elle  subvient.  Il  est  necessaire  que  nous  soyons  en  merveilleux  trouble  et  tonnent  de  conscience,  ce  pendant  que  nous  regardons  qui  nous  sommes  et  examinons  ce  qui  est  en  nous.  Car  il  n'y  a  celuy  de  nous  qui  puisse  trouver  un  seul  grain  de  iustice  en  soy:  mais  au  contraire,  nous  sommes  tous  plains  de  peche  et  iniquite:  tellement  qu'il  ne  fault  point  aultre  partie  pour  nous  accuser  que  nostre  conscience,  [pag.  l  l  ]  ne  aultre  iuge  pour  nous  condamner.  Il  s'ensuit  doncq  que  l'ire  de  Dieu  nous  est  appareillee,  et  qu'il  n'y  a  nul  qui  puisse  eschaper  de  la  mort  eternelle.  Si  nous  ne  sommes  endormis  et  stupides,  il  fault  que  ceste  horrible  cogitation  nous  soit  comme  une  gehenne  perpetuelle  pour  nous  vexer  et  tormenter.  Car  le  iugement  de  Dieu  ne  nous  peult  venir  en  memoire  que  nous  ne  voyons  nostre  condamnation  s'en  ensuyvre.  Nous  sommes  donc  desia  au  gouffre  de  la  mort,  sinon  que  nostre  bon  Dieu  nous  en  retire.  D'avantage,  quelle  esperance  de  resurrection  povons  nous  avoir,  en  considerant  nostre  chair,  qui  n'est  que  pourriture  et  vermine?  Ainsi,  tant  selon  l'ame  que  selon  le  corps,  nous3)  sommes  plus  que  miserables,  si  nous  demourons  en  nous  mesmes;  et  ne  se  peut  faire  que  nous  n'ayons  une  grande  tristesse  et  angoisse  du  sentiment  d'une  telle  misere.  Or,  le  Pere  celeste,  pour  subvenir  a  cela,  nous  donne  la  Cene,  comme  1)  C'est  ainsi  que  Usent  toutes  les  editions  tant  francaises  que  latines  a  partir  de  1542.  Celle  de  1541  met:  troisiesme.  2)  Le  traducteur  a  exprime  cette  pensee  d'une  maniere  beaucoup  plus  juste:  modo  eum  (fructum  salutarem)  percipere  et  colligere  velimus.  3)  IJ  edition  de  1541  met  par  erreur:  ne  sommes.