37:436  sabbato  in  sabbatum  eius  veniat  omnis  caro,  ut  adoret  coram  me,  dicit  Iehova.  24.  Et  egredientur,  et  videbunt  cadavera  hominum  qui  praevaricati  sunt  in  me:  quia  vermis  eorum  non  morietur,  et  ignis  eorum  non  exstinguetur,  et  erunt  nausea  omni  carni.  IN  CAPUT  LXVI.  1.  (Sic  dicit.)  Haec  concio  diversa  est  a  priore.  Nam  hic  propheta  invehitur  in  Iudaeos,  qui  inani  sacrificiorum  et  templi  fiducia  elati  secure  delitiabantur,  sibique  in  peccatis  suis  sub  hoc  praetextu  placebant.  Atque  hanc  fiduciam  non  modo  stultam  et  inanem,  sed  diabolicam  et  exseerandam  esse  ostendit:  quoniam  Deo  crasse  illudunt,  qui  externo  ritu  ipsum  colere  et  placare  student.  Itaque  ipsis  exprobrat  quod  idolum  loco  Dei  fabricare  nituntur,  dum  templo  ipsum  includunt.  Postea  de  ecclesiae  renovatione  disserit,  eiusque  propagatione  per  totum  orbem.  Porro  larvatis  vel  fucatis  Dei  cultoribus  delitias  excutere  volens  ab  eius  natura  exordium  sumit.  Nam  coelum  pro  domicilio  assignans  significat  maiestatem  Dei  omnia  implere,  ubique  esse  diffusam,  nulloque  loco  includi  aut  circumscribi  :  tantum  abesse  ut  templo  includatur.  Saepe  docet  scriptura,  Deum  esse  in  coelo,  non  quod  illic  inclusus  sit,  sed  ut  mentes  extra  mundum  evehamus,  nec  quidquam  humile  aut  carnale  aut  terrenum  de  ipso  cogitemus.  Solus  enim  coeli  aspectus  nos  altius  evehere,  atque  in  admirationem  rapere  debet.  Interea  testatur  infinitis  locis,  se  nobiscum  esse,  ubique  diffusam  suam  potentiam,  ne  coelo  inclusam  esse  imaginemur.  Hoc  videtur  carere  omni  controversia,  atque  tunc  apud  omnes  pro  confesso  receptum  erat.  Quis  enim  nesciebat  coelum  et  terram  impleri  maiestate  Dei?  Obiicere  ergo  poterant:  neminem  deturbare  Deum  e  coelo  velle,  frustraque  excandescere  prophetam,  et  tam  vehementer  invehi.  Nec  dubium  est  quin  magno  cum  fastu  hanc  prophetae  doctrinam  repudiarint,  et  summa  indignatione  exarserint,  quasi  fieret  sibi  gravis  iniuria.  Sed  in  promptu  est'exceptio,  quum  homines  suo  arbitratu  placare  Deum  student,  alienum  prorsus  ab  eius  maiestate  idolum  fingere.  Hi  confisi  frigidis  caeremoniis  suis  probe  se  functos  officio  putabant,  quum  frequentarant  templum,  votaque  et  sacrificia  in  eo  fecerant.  Propheta  non  esse  hoc  modulo  metiendam  Dei  maiestatem  ostendit,  ac  meras  esse  nugas  quidquid  sine  cordis  puritate  obtruditur.  Nam  quum  ex  coelorum  habitatione  constet  spiritualem  esse  Dei  naturam,  nisi  respondeat  cultus,  vitiosum  et  perversum  esse  certum  est.  Templi  nomine  caeremonias  omnes  comprehendit  in  quibus  constitutum  Dei  cultum  esse  putabant.  Quia  ergo  Deum  et  eius  cultum  metiebantur  pro  templi  ratione,  pro-