32:436  tamen  non  sunt,  nisi  in  suo  vigore  sentiant  vim  gratiae  Dei.  Ubi  loquitur  de  puellis  aut  virginibus,  particula  frj,  hoc  est  etiam,  supervacua  non  est,  amplificationis  enim  causa  inseritur:  ac  si  diceret,  ipsas  quoque  adolescentulas  quae  non  tam  liberaliter  docentur  ut  masculi,  quia  videntur  ad  domestica  officia  natae,  cessare  tamen  in  officio  nisi  laudandi  Dei  partes  simul  cum  reliqua  ecclesia  obeant.  Unde  sequitur,  a  minimo  usque  ad  maximum  communi  hac  lege  omnes  obstringi.  14.  (M  exaltavit  cornu.)  Quia  superiore  Psalmo  vidimus  luculentius  in  ecclesia  spectari  Dei  virtutes  quam  in  universo  mundi  opificio,  ideo  hanc  clausulam  apposuit  propheta,  Dei  manu  protegi  ecclesiam,  virtuteque  armari  contra  cunctos  hostes:  ut  in  mediis  periculis  tuto  tamen  habitet.  Per  cornu  satis  notum  est  robur  vel  diguitatem  notari.  Itaque  nunc  intelligit  propheta  conspicuam  esse  Dei  benedictionem  in  ecclesia  et  electo  populo,  quia  nonnisi  eius  virtute  viget  ac  floret.  Subest  autem  tacita  comparatio  inter  ecclesiam  Dei  et  omnes  adversas  potestates,  quia  necesse  est  Dei  praesidio  muniri  quae  undique  impetitur.  Hinc  colligit  propheta  laudem  esse  omnibus  Dei  mansuetis,  quia  scilicet  pro  singulari  qua  eos  dignatur  gratia  habent  cur  sibi  gratulentur,  nomenque  eius  praedicent.  Iam  filios  Israel  vocans  populum  Deo  propinquum,  in  memoriam  reducit  gratuitum  foedus  quod  cum  Abraham  Deus  pepigerat.  Unde  enim  ista  propinquitas,  nisi  quod  obscurum  et  contemptum  inquilinum  Deus  populis  omnibus  praetulit?  Neque  enim  extra  merum  Dei  amorem  quaerenda  est  dignitatis  ratio.  Quum  autem  peraeque  ad  Deum  pertineat  totus  orbis,  familiariter  se  patefecit  filiis  Israel,  propinquosque  sibi  reddidit,  qui  non  minus  alieni  erant  quam  totum  Adae  genus.  Unde  illud  Mosis  Deut  32,  8,  Quum  discerneret  Excelsus  gentes,  ac  distribueret  populos,  extendit  in  Iacob  funiculum  suum.  Causam  ergo  ostendit  cur  tam  praeclaris  donis  populum  unum,  exiguum  et  contemptum  ornaverit  Deus,  quia  eum  sibi  adoptavit.  PSALMUS  CXLIX.  ARG.  Si  Psalmum  hunc  cum  superioribus,  et  cum  proximo  qui  ultimus  erit,  conferre  libeat,  hoo  solum  est  discrimen,  quod  antehac  peculiarem  gratiam  qua  Deus  ecclesiam  suam  fovet  ac  tuetur,  generali  providentiae  qua  mundum  sustinet,  permiscuit  propheta  quisquis  fuerit  Psalmi  autor:  nunc  tantum  de  beneficiis  disserit  quibus  ecclesiam  suam  prosequitur.  Proximo  autem  Psalmo  solum  in  genere  fiet  potentiae  Dei  mentio.  Halleluiah.  1.  Cantate  Iehovae  canticum  novum:  laus  eius  in  coetu  mansuetorum.  2.  Laetetur  Israel