9:435  435  GRATULATIO  436  titio,  et  suis  blanditiis  Eutyches  delinierat  ut  in  gratiam  scelerati  haeretici  sancto  viro  Flaviano  se  opposuerit.  Illic  approbata  fuit  Eutychae  impietas.  Reclamarunt,  fateor,  qui  missi  fuerant  ab  episcopo  Romano,  sed  penes  quem  residebat  totius  mali  culpa.  Nec  infitior  Leonis  epistola  fuisse  opportune  adiutos,  qui  postea  in  Chalcedonensi  concilio  Eutychem  damnarunt.  Verum  praecipua  remedii  laus  Cyrillo,  qui  praefuit,  iure  debetur.  Iam  cur  synodo  Aquileiensi,  quae  praesidem  habuit  Ambrosium,  non  interfuit  Romanus  episcopus,  vel  quempiam  misit  qui  subscriberet  sanis  decretis?  1)  Periclitabatur  recta  fides,  quum  multos  suo  delirio  fascinasset  Eunomius.  Si  in  Romana  sede  stabilitur  synodorum  autoritas,  ecclesiae  et  fidei  fuit  desertor  vester  Apostolicus,2)  qui  otiosus  fuit  certaminis  spectator.  Ac  de  fictitio  Romae  primatu  pluribus  agere  supervacuum  esset,  quem  centies  dirutum  [pag.  20]  frustra  inani  linguarum  suarum  flatu  fulcire  tentant  conductitii  rabulae.  Interim  quam  firma  sit  Gabrielis  fides,  hinc  coniiciant  lectores,  quod  christiana  fide  nihil  incertius  fore  praedicat,  nisi  ecclesiae  praesideat  Romana  sedes.  Etiam  si  tibi  largiar,  morio,  quod  frivolum  esse  liquido  cognoscitur  ex  nostrorum  libris,  quid  hoc  tamen  ad  tyrannicam  papae  vestri  dominationem?  Fuerit  sane  Roma  ecclesiarum  mater,  quamdiu  fuit  ecclesia.  Verum  scite  Lutherus  pridem3)  dixit,  longe  aliud  esse  Romanam  curiam,  quae  in  exstinctae  ecclesiae  locum  successit.  Quare  nihil  te  nugacius,  qui  Neronem  et  Caligulam,  vel  Heliogabalum,  pro  Curiis  et  Camillis  et  Scipionibus  4)  nobis  obtrudis.  Alio  deinde  argumento  pugnat  Gabriel:  nos  ab  ecclesia  discessionem  fecisse,  quia  misere  inter  nos  dissecti  simus.  Dissidii  exemplum  proponit  in  sensu  verborum  Christi:  quae  tam  aperte  esse  vult,  ut  per  mille  fere  annos  a  Christi  passione,  nemo,  quantumvis  haereticus,  de  illis  dubitaverit.  Nempe,  quum  ex  inferis  nondum  prodiisset  diabolicus  vester  error.  Multas  haereses  excitavit  Satan  per  mille  annos:  vestram  hanc  in  suis  thesauris  absconditam  servavit,  donec  ad  extremum  usque  mundus  desiperet.  Quid  esset  transsubstantiatio,  tam  longa  aetatum  serie  fideles  omnes  latuit.  Tertulliano  panis  est  figura  corporis  Christi.5)  Sic  Augustinus  loquitur.6)  Alibi  [pag.  21]  signum  vocat:  sicut  Chrysostomus  et  Basilius  antitypum.7)  Longa  farrago  texenda  foret,  si  referre  vellem  innumera  1)  a  la  confession  de  foy  qui  s'y  fit.  2)  le  pape  d'alors.  3)  il  y  a  desia  trente  six  ans.  4)  pour  les  bons  anciens  de  Rome  et  protecteurs  de  la  liberte,  omissis  nominibus.  5)  In  libro  de  Resurr,  carnis.  6)  Augustinus  contra  Adimantum,  libro  12.  Idem  in  Psalm.  3.  7)  une  representation  comme  la  figure  du  coin  est  imprimee  a  la  monnoye.