8:435  435  QUATRE  SERMONS.  436  ses  enfans,  sinon  ceulx  qui  le  cerchent  par  les  lieux  secs  et  steriles,  et  qui  cavent  les  cisternes  ou  il  n'y  avoit  point  une  goutte  d'eaue.  Or  soubs  ce  mot  il  nous  est  signifie  qu'il  n'y  a  peine  ne  fascherie  qu'il  ne  nous  convienne  endurer  pour  iouir  de  la  face  de  Dieu.  Est-il  donc  question  de  cercher  lieu  ou  on  ait  liberte  de  servir  Dieu  et  l'adorer  purement?  quelque  mauvais  passage  qui  soit  entre  deux,  qu'on  ne  laisse  point  de  se  mettre  en  chemin.  A  on  faim  et  soif  en  cheminant?  si  ne  fault-il  point  defaillir.  Que  nul  ne  s'amuse  a  moy,  comme  si  i'en  parloye  bien  a  mon  aise:  car  c'est  l'esprit  de  Dieu  qui  nous  enseigne  de  grater  la  terre,  plustost  que  d'estre  divertis  ou  reculez  de  venir  au  Temple  de  Dieu.  Or  si  ceulx  qui  sont  en  pais  loingtain,  et  qui  sont  selon  le  monde  forclos  de  tous  moyens  de  se  retirer  au  pais  ou  l'Evangile  se  presche,  n'ont  nulle  excuse,  quelle  condamnation,  ie  vous  prie,  doibvent  attendre  ceulx  qui  ont  l'Evangile  a  leur  porte,  et  ne  daignent  marcher  un  pas  pour  entrer  au  Temple?  On  preschera  iournellement,  on  fera  les  prieres,  il  ne  fauldra  que  traverser  le  ruisseau  d'une  rue  pour  y  venir:  chascun  dira  qu'il  ha  quelque  affaire  en  sa  maison.  Brief,  il  semble  que  beaucoup  constituent  leur  felicite  a  se  destourner  de  Dieu,  car  il  leur  semble  qu'ils  ont  tout  gaigne  quand  ils  ont  trouve  un  subterfuge  le  plus  frivole  du  monde.  Or  puis  qu'ainsi  est  que  nous  sommes  si  enclins  a  nous  tenir  loing  de  Dieu,  voire  a  nous  en  escarter  apres  qu'il  s'est  approche  de  nous,  prions-le  qu'il  nous  fortifie  en  telle  sorte,  que  nous  marchions  hardiment  iusques  a  ce  que  nous  ayons  trouve  des  fontaines  ou  il  n'y  avoit  que  seicheresse  [f.  66]  auparavant.  Et  encor  que  cela  nous  defaillist,  que  nous  cavions  des  cisternes,  attendans  la  pluye  du  ciel.  S'il  ne  plaist  point  a  Dieu  de  nous  faire  sentir  si  tost  son  aide,  que  nous  ne  laissions  point  de  passer  oultre.  Ie  pense  bien  que  ceci  se  trouvera  obscur  de  beaucoup  de  gens;  mais  pourquoy  est-ce,  sinon  par  faulte  de  practique?  On  nous  pourra  prescher  cent  mille  ans,  sans  que  iamais  nous  j  entendions  un  mot,  iusques  a  ce  que  nous  ayons  cogneu  de  faict  que  c'est  de  passer  par  une  voye  seiche  quand  il  est  question  de  venir  a  Dieu.  Tant  y  a  que  ceste  doctrine  doibt  estre  familiere  a  tous  fideles,  a  scavoir,  de  s'apprester  et  munir  contre  toutes  tentations  que  Satan  leur  pourra  brasser  pour  leur  rompre  le  chemin  qui  les  conduit  a  Dieu.  Et  de  faict,  tous  ceulx  qui  s'employent  fidelement  a  cercher  Dieu,  encor  qu'ils  ne  bougent  d'un  lieu,  ne  laissent  point  d'avoir  assez  de  mauvaises  rencontres  qui  seroyent  pour  leur  faire  tourner  bride,  s'ils  n'avoyent  un  ferme  courage  de  resister.  Mais  c'est  pitie  qu'une  grande  quantite  (comme  i'ay  dict)  se  laisse  abbatre  par  les  difficultez  qui  se  presentent  a  eulx.  Ils  diront  bien  qu'il