7:435  435  ACTA  SYNODI  TRIDENTINAE  436  iuvat  ut  possis.  Cuius  mandata  gravia  non  sunt:  cuius  iugum  suave  est,  et  onus  leve.  Qui  enim  Dei  sunt,1)  Christum  diligunt:  qui  autem  diligunt  eum,  ut  ipsemet  testatur,  servant  sermones  eius:  quod  utique  cum  divino  adiutorio2)  praestare  possunt.  Licet  enim  in  hac  mortali  vita,  quantumvis  iusti  et  sancti,  in  levia  saltem  et  quotidiana,  quae  venialia  dicuntur,  peccata  quandoque  cadant,  non  propterea  desinunt  esse  iusti:  nam  iustorum  illa  vox  est,  et  humilis  et  verax:  Dimitte  nobis  debita  nostra.  Quo  fit,  ut  iusti  ipsi  eo  magis  se  obligatos  esse  ad  ambulandum  in  via  iustitiae  sentire  debeant,  quo  liberati  a  peccato,  servi  autem  facti  Deo,  sobrie,  iuste  et  pie  viventes,  proficere  possint,  per  Christum  Iesum,  per  [pag.  147]  quem  habuerunt  accessum  in  gratiam  istam.  Deus  namque  sua  gratia  semel  iustificatos  non  deserit,  nisi  prius  ab  eis  deseratur.  Itaque  nemo  sibi  in  sola  fide  blandiri  debet,  putans  fide  sola  haeredem  se  esse  constitutum,  haereditatemque  consequuturum:  etsi  Christo  non  compatiatur,  ut  et  conglorificetur.  Nam  et  ipse  Christus,3)  quum  esset  Filius  Dei,  didicit  ex  his  quae  passus  est  obedientiam,  et  consummatus  factus  est  omnibus  obtemperantibus  sibi  causa  salutis  aeternae.  Propterea  Apostolus  ipse  monet  iustificatos,  dicens:  Nescitis,  quod  hi  qui  in  stadio  currunt,  omnes  quidem  currunt,  sed  unus  accipit  bravium?  sic  currite,  ut  comprehendatis:  ego  igitur  sic  curro,  non  quasi  in  incertum:  sic  pugno,  non  quasi  aerem  verberans,  sed  castigo  corpus  meum,  et  in  servitutem  redigo,  ne  quum  aliis  praedicaverim,  ipse  reprobus  efficiar.  Item  Princeps  Apostolorum:4)  Satagite,  ut  per  bona  opera  certam  vestram  vocationem  faciatis,  [pag.  148]  et  electionem:  hoc  enim  facientes,  non  peccabitis  aliquando.  Unde  constat  eos  religionis  orthodoxae  doctrinae  adversari,  qui  dicunt  iustum  in  omni  opere  bono  peccare,  saltem  venialiter:  aut,  quod  intolerabilius  est,  poenas  aeternas  mereri.  Atque  eliam  eos,  qui  statuunt  in  omnibus  operibus  iustum  peccare,  si  in  illis  suam  ipsorum  socordiam  excitando,  et  se  ad  currendum  in  stadio  cohortando,  quum  hoc,  ut  in  primis  glorificetur  Deus,  mercedem  quoque  intuetur  aeternam,  ut  scriptum  est:  Inclinavi  cor  meum,  ad  faciendas  iustificationes  tuas,  propter  retributionem.  Et  de  Moise  dicat  Apostolus,  quod  aspiciebat  in  remunerationem.  Praedestinationis  temerariam  praesumptionem  cavendam  esse.  XIII.  Nemo  quoque,  quamdiu  in  hac  mortalitate  vivit,8)  de  arcano  divinae  praedestinationis  mysterio  usque  adeo  praesumere  debet,  ut  certo  statuat,  1)  Edd.  sunt  filii  Dei.  2)  Edd.  auxilio.  3)  Add.  ut  inquit  Apostolus.  4)  Add.  Petrus.  5)  Al.  vivitur.