6:435  TRAICTE  DE8  RELIQUES.  soy,  iusques  a  la  faire  enterrer  en  son  sepulcre.  Ie  vous  prie,  quel  blaspheme  de  faire  d'un  sainct  Evangeliste  un  idolatre  parfaict?  Et  mesme  quelle  couleur  ont  ilz  pour  persuader  que  [page  67]  sainct  Luc  ayt  este  peinctre?  S.  Paul  le  nomme  bien  medecin,  mais  du  mestier  de  peinctre,  ie  ne  say  ou  ilz  Tont  songe.  Et  quand  ainsi  seroit  qu'il  s'en  fust  mesle,  il  est  autant  a  presumer  qu'il  eust  voulu  peindre  la  vierge  Marie,  comme  un  Iuppiter,  ou  une  Venus,  ou  quelque  autre  idole:  ce  n'estoit  pas  la  facon  des  Chrestiens  d'avoir  des  images;  et  n'a  este  long  temps  apres,  iusques  a  ce  que  l'eglise  a  este  corrompue  de  superstitions.  D'autrepart,  tous  ies  angletz  du  monde  sont  pleins  des  images  de  la  vierge  Marie,  qu'on  dit  qu'il  a  faict;  comme  a  Cambray,  et  de  ca  de  la.  Mais  en  quelle  forme?  il  y  a  autant  d'honnestete  comme  qui  voudroit  pourtraire  une  femme  dissolue.  Vela  1)  comment  Dieu  les  a  aveuglez,  qu'ilz  n'ont  eu  consideration  non  plus  que  bestes  brutes.  Combien  que  ie  ne  m'estonne  pas  trop  de  ce  qu'ilz  ont  impute  a  sainct  Luc  d'avoir  faict  des  images  de  la  Vierge,  veu  qu'ilz  ont  bien  ose  imposer  le  semblable  au  prophete  Ieremie;  tesmoing  le  Puys  en  Auvergne.  Il  seroit  [page  68  J  temps,  ce  croy-ie,  que  le  povre  monde  ouvrit  les  yeux  une  foys,  pour  veoir  ce  qui  est  tant  manifeste.  Ie  laisse  a  parler  de  sainct  Ioseph,  dont  les  uns  en  ont  des  pantoffles,  comme  en  Pabbaye  sainct  Simeon  de  Trier;  les  autres  ses  chausses,  comme,  nous  avons  desia  dit;  les  autres  ses  ossemens.  Il  me  suffit  de  l'exemple  que  i'ay  allegue  pour  descouvrir  la  sottise  qui  y  est.  Ie  mettray  icy  sainct  Michel,  afin  qu'il  face  compagnie  a  la  vierge  Marie.  On  pensera  que  ie  me  gaudisse  en  recitant  des  reliques  d'un  Ange,  car  les  ioueurs  de  farces  mesmes  s'en  sont  moquez.  Mais  les  Caffars  n'ont  pas  laisse  pourtant  d'abuser  tout  a  bon  escient  le  povre  peuple.  Car  a  Carcassonne,  ilz  se  vantent  d'en  avoir  des  reliques,  et  pareillement  a  sainct  Iulien  de  Tours.  Au  grand  sainct  Michel,  qui  est  si  bien  frequente  de  pelerins,  on  monstre  son  braquemart,  qui  est  comme  un  poignart  a  usage  de  petit  enfant;  et  son  bouclier  de  mesme,  qui  est  comme  la  bossete  d'un  mors  de  cheval:2)  il  n'y  a  homme  [page  69]  ny  femme  si  simple,  qui  ne  puisse  iuger  quelle  moquerie  c'est.  Mais  pource  que  telz  mensonges  sont  couvers  soubz  ombre  de  devotion,  il  semble  advis  que  ce  n'est  point  mal  faict  de  se  moquer  de  Dieu  et  de  ses  Anges.  Ilz  repliqueront  que  l'Escriture  tesmoigne  que  sainct  Michel  a  combatu  contre  le  Diable.  Mais  s'il  falloit  vaincre  le  Diable  a  l'espee,  il  la  faudroit  1)  Voila  1563  suiv.  2)  est  enim  similis  cucurbitulis  aereis  quae  fraenis  equorum  adfigi  solent  G.