54:435  435  SERMON  V  436  de  s'enrichir,  estant  en  cest  estat,  il  sera  comme  un  macquignon  pour  farder  et  corrompre  la  parole  de  Dieu:  il  voudra  complaire  a  l'un,  il  voudra  contenter  l'autre  :  brief,  il  ne  fera  que  desguiser  et  falsifier  tout:  ou  bien  il  desguisera  les  choses  en  telle  sorte,  qu'il  ne  demandera  sinon  de  caller  la  voile:  il  regardera  en  quoy  il  pourra  profiter,  afin  d'attirer  la  farine  au  moulin,  comme  on  dit.  Et  pourtant  si  l'avarice  regne  aux  Ministres  de  la  parole,  il  est  certain  qu'ils  seront  faussaires,  et  ne  feront  que  pervertir  la  bonne  doctrine,  et  convertir  la  verite  en  mensonge.  Voila  donc  ce  que  nous  avons  a  retenir  en  premier  lieu,  quand  sainct  Faul  ne  nomme  point  les  vertus,  sinon  en  commencant  par  ce  bout,  que  ceux  qui  voudront  loyaument  s'acquitter  de  leur  devoir,  edifiant  l'Eglise  de  Dieu,  qu'il  faut  qu'ils  s'abstienent  de  tous  crimes  et  de  tous  vices  qui  sont  enormes,  et  qui  sont  du  tout  insupportables  en  cest  estat  et  office.  Or  quant  et  quant  il  adiouste  les  vertus,  que  celuy  qui  est  pour  anoncer  la  parole  de  Dieu,  soit  amiable  envers  les  estrangers,  et  qu'il  les  recoive  humainement.  Ceci  doit  estre  observe  en  tout  temps:  mais  (comme  nous  avons  declare  ci  dessus  en  l'Epistre  a  Timothee)  il  y  avoit  une  raison  speciale  lors,  d'autant  que  les  povres  fideles  estoyent  comme  oiseaux  sur  la  branche,  qu'il  faloit  que  par  volees  ils  allassent  d'un  lieu  a  autre,  selon  que  les  persecutions  s'elevoyent,  et  que  les  feux  estoyent  allumez,  une  bande  se  levoit,  et  s'en  alloit  en  une  autre  ville,  et  la  ou  ils  pouvoyent:  que  mesmes  ils  estoyent  contraints  de  s'exposer  le  plus  souvent  a  la  mort.  Il  y  avoit  donc  la  grande  compassion.  Ainsi  ce  n'est  point  sans  cause  que  sainct  Paul  requiert  que  l'Evesque  qui  devoit  estre  comme  pere  de  l'Eglise,  fust  un  homme  liberal  et  amiable  aux  estrangers,  pour  les  recevoir  benignement.  C'est  en  premier  lieu  ce  que  nous  avons  a  observer.  Pour  le  second,  il  adiouste  qu'ils  ayent  bonte.  Et  ceste  vertu  est  coniointe  a  celle  que  nous  venons  de  dire.  Car  combien  que  sainct  Paul  met  ici  un  mot,  tant  y  a  qu'il  emporte  l'amour  d'humanite,  et  la  bonne  affection  qu'on  a  de  bien  faire  a  ceux  qui  sont  en  necessite,  et  d'y  appliquer  son  estude.  Celuy  donc  qui  est  inhumain,  qui  n'a  nulle  pitie,  qui  ee  tiendra  a  son  aise,  ne  regardant  point  aux  autres,  il  est  impossible  qu'il  ait  la  vertu  de  recevoir  humainement  ceux  qui  sont  persecutez  et  affligez.  Voila  pourquoy  S.  Paul  a  conioint  ces  deux  vertus.  Il  met  quant  et  quant,  sobre,  iuste,  sainct,  attrempe.  La  sobriete  se  rapporte  au  vivre.  Il  y  a  puis  apres  la  iustice,  qui  est  droiture,  quand  un  homme  regarde  de  rendre  a  chacun  son  droict,  qui  ne  voudroit  point  pour  mourir  avoir  fait  aucun  tort,