52:435  435  EPIST.  PAULI  AD  TITUM.  436  haec  Satanae  astutia  est,  improba  talium  hominum  loquacitate  implicare  bonos  ac  fidos  pastores,  ut  eos  a  docendi  studio  abducat.  Cavendum  itaque  ne  rixosae  nos  disputationes  occupent:  quia  neque  interea  vacabit,  operam  nostram  Domini  gregi  impendere,  et  contentiosi  homines  nunquam  molesti  nobis  esse  desinent.  Quod  ergo  vitari  iubet,  perinde  valet  ac  si  negaret,  magnopere  esse  laborandum  ut  illis  satisfiat:  imo  nihil  esse  melius  quam  digladiandi  ansam,  quam  captant,  illis  praecidi.  Valde  necessaria  admonitio.  Nam  et  qui  libenter  alioqui  a  pugnis  verborum  abstinerent,  pudore  interdum  trahuntur  in  arenam:  quia  cedere  turpis  ignaviae  videtur.  Irritant  praeterea  quamvis  placidum  ingenium  feroces  hostium  iactantiae:  quia  ferendum  non  videtur  ut  impune  veritati  (ut  faciunt)  insultent.  Nec  desunt  interea  homines  aut  cupidi,  aut  nimium  fervidi,  qui  ad  conflictum  sollicitent.  Atqui  Paulus  non  vult,  multum  ac  diu  cum  haereticis  disputando  Christi  servum  occupari.  Nunc  videndum  quid  per  haeretici  nomen  intelligat.  Vulgo  trita  est  distinctio  inter  haereticum  ac  schismaticum  :  quae  tamen  hic  a  Paulo  (ni  fallor)  confunditur.  Neque  enim  tantum  eos  designat,  qui  certum  errorem  aut  perversum  aliquod  dogma  fovent  ac  tuentur:  sed  in  universum  quicunque  sanae  doctrinae  non  acquiescunt,  quam  nuper  proposuit.  Ita  ambitiosos  omnes,  praefractos,  contentiosos,  qui  libidine  impulsi  turbant  ecclesiae  pacem  ac  dissidia  concitant,  hoc  nomine  comprehendit.  In  summa,  quisquis  sua  protervia  unitatem  ecclesiae  abrumpit,  is  haereticus  vocatur  a  Paulo.  Sed  moderatio  adhibenda  est,  ne  quisquis  sententiae  nostrae  non  subscribit,  eum  protinus  faciamus  haereticum.  Sunt  enim  quaedam  de  quibus  si  dissentiant  inter  se  Christiani,  non  tamen  in  sectas  dividentur.  Sic  enim  fieri  alibi  praecipit  idem  Paulus,  quum  iubet  exspectare,  salva  concordia,  Dei  revelationem,  ad  Philipp,  cap.  3,  15.  Verum  quoties  eousque  procedit  pervicacia,  ut  quispiam  sibi  addictus  vel  discessionem  faciat  a  corpore,  vel  a  grege  quosdam  substrahat,  vel  impediat  sanae  doctrinae  cursum:  hic  strenue  obviandum  est.  In  summa,  haeresis  vel  secta,  et  ecclesiae  unitas,  res  sunt  inter  se  oppositae.  Quum  haec  Deo  pretiosa  sit,  et  nobis  summo  in  pretio  esse  debeat,  illam  summopere  detestari  convenit.  Quare  sectae  vel  haereseos  nomen,  quamvis  inter  philosophos  et  politicos  homines  sit  honorificum,  merito  infame  est  inter  Christianos.  Tenemus  nunc  quosnam  intelligat  Paulus,  quum  iubet  haereticos  omitti  et  vitari.  Sed  notandum  simul  est  quod  continuo  post  sequitur:  nempe,  post  unam  et  alteram  admonitionem.  Nam  neque