25:435  435  COMMENTARIUS  IN  IOSUE  CAP.  I.  436  non  modo  probabile  est,  sed  omnino  persuasum;  ubi  ex  eorum  relatu  cognovit  quae  volebat,  tunc  demum  de  castris  movendis  consilium  coepisse.  Alioqui  praepostera  fuisset  festinatio,  viam  incognitam  arripere:  si  quidem  utile  censebat,  de  multis  rebus  se  prius  doceri,  quam  pedem  inferret  in  terram  hostilem.  Nec  vero  novum  est,  temporis  ordinem  negligi,  et  quod  omissum  fuerat,  deinde  attexi.  Ergo  caput  secundum  erit  tanquam  parenthesis  interposita,  quae  plenius  lectoribus  explicet,  quando  tandem  Iosue  populum  iusserit  vasa  colligere.  Ubi  ergo  rebus  bene  compertis,  vidit  maturum  esse  progrediendi  tempus,  populum  edicto  iussit  ad  expeditionem  se  accingere.  Ex  tanta  fiducia  pronunciat,  elapso  triduo  Iordanem  transituros:  nunquam  id  ausus  fuisset,  nisi  spiritu  suggerente.  Vadum  nemo  tentaverat,  nec  spes  ostendebatur  posse  id  fieri.  Neque  ponte,  neque  navibus  traiicere  licebat.  Et  facilis  nulliusque  negotii  erat  prohibitio.  Nihil  ergo  aliud  restabat,  nisi  ut  ipsos  Deus  mirabiliter  veheret.  Id  Iosue  non  temere  neque  ex  proprio  sensu,  sed  ut  erat  divinitus  patefactum,  speravit.  In  obsequii  quoque  promptitudine  enituit  populi  fides,  quia  tanta  obiecta  difficultate,  nisi  reiecta  in  Deum  cura,  nunquam  ita  fuissent  morigeri.  Nec  vero  dubium  est,  quin  hanc  alacritatem  indiderit  Deus  eorum  animis,  ut  obstacula  omnia,  quae  morari  poterant  promissionis  effectum,  tolleret.  12.  Ad  Bubenitas.  Concessa  illis  fuerat  haereditas  trans  Iordanem  hac  lege,  ut  in  profligandis  gentibus  Chanaan  eadem  cum  fratribus  militiam  obirent.  Nunc  ergo  ad  praestandam  fidem  ipsos  hortatur  Iosue,  ut  relictis  uxoribus  et  pueris  omnibusque  impedimentis  Iordanem  traiiciant,  nec  finem  bellandi  faciant,  donec  fratres  suos  collocaverint  in  tranquilla  possessione.  Duobus  autem  argumentis  eos  ad  officium  exstimulat,  quorum  prius  ab  autoritate  ductum  est,  alterum  ab  aequitate.  Commemorat  ergo  quid  illis  Moses  praeceperit,  a  cuius  decreto  fas  non  erat  deflectere,  quum  omnibus  probe  compertum  esset,  nihil  a  se  ipso  protulisse,  sed  tantum  quod  Deus  ore  suo  dictaverat.  Interea  quod  non  exprimit  oblique  subindicat,  ex  compacto  etiam  ipsos  teneri,  quoniam  receperant  se  ita  facturos.  Iam  aequitate  proposita  eos  movet,  ne  dispar  sit  eorum  conditio,  quibus  eadem  haereditas  communiter  destinata  erat  Minime  consentaneum  esset,  inquit,  fratres  vestros  periclitari,  vel  saltem  sudare  bellum  gerendo  :  vos  autem  in  pacata  statione  commodis  omnibus  perfrui.  Porro  quod  iubet  praecedere,  non  eo  tendit,  ut  primi  confligant  cum  hostibus,  et  ad  discrimina  quaelibet  expositi  plus  oneris  et  molestiae  sustineant.  Tantum  hoc  modo  ad  pergendi  alacritatem  eos  hortatur:  quia  tergiversandi  species  fuisset,  postremum  agmen  tenendo,  lente  alios  sequi.  Ergo  transire  ante  fratres,  non  est