7:434  Contra  inanem  haereticorum  fiduciam.  X.  Quamvis  autem  necessarium  sit  credere,  neque  remitti,  neque  remissa  unquam  fuisse  peccata,  nisi  gratis,  divina  misericordia,  per  1)  Christum:  nemini  tamen  fiduciam  et  certitudinem  remissionis  peccatorum  suorum  iactanti,  et  in  ea  sola  quiescenti,  peccata  [pag.  144]  dimitti,  vel  dimissa  esse  dicendum  est,  quum  apud  haereticos  et  schismaticos  possit  esse,  imo  nostra  tempestate  sit,  et  praedicetur  magna  contra  Ecclesiam  catholicam  contentione,  haec  vana  et  ab  omni  pietate  remota  fiducia.  Sed  neque  illud  asserendum  est,  oportere  eos  qui  vere  iustificati  sunt,  absque  ulla  omnino  dubitatione  apud  semetipsos  statuere,  se  vere  esse  iustificatos,  neminemque  absolvi  a  peccatis,  ac  iustificari,  nisi  eum  qui  certo  credat  se  absolutum,  ac  iustificatum  esse:  atque  hac  sola  fide  absolutionem  ac  iustificationem  perfici:  quasi  qui  hoc  non  credit,  de  Dei  promissione,  deque  mortis  ac  resurrectionis  Christi  dubitet  efficacia.  Nam  sicut  nemo  pius  de  Dei  misericordia,  de  Christi  merito,  ac  sacramentorum  virtute  et  efficacia  dubitare  debet,  sic  quilibet  dum  suam2)  propriam  infirmitatem,  ac  indispositionem  respicit,  de  sua  gratia  formidare  ac  timere  potest:  quum  nullus  scire  valeat  certitudine  fidei,  cui  non  potest  subesse  falsum,  se  gratiam  Dei  esse  consequutum.  De  acceptae  iustificationis  incremento.  [pag.  145]  XL  Sic  ergo  iustificati,  et  amici  Dei,  et  domestici  facti,  euntes  de  virtute  in  virtutem  renovantur,  ut  Apostolus  inquit,  de  dis  in  diem:  hoc  est,  mortificantes  membra  carnis  suae,  et  exhibentes  ea  arma  iustitiae  Deo,  in  sanctificationem,  per  observantiam  mandatorum  Dei  et  Ecclesiae,  in  ipsa  iustitia,  per  Christi  gratiam  accepta,  cooperante  fide,  bonis  operibus,  crescunt,  et  magis  ac  magis  iustificantur,  sicut  scriptum  est:  Qui  iustus  est,  iustificetur  adhuc.  Et  iterum:  Ne  verearis  usque  ad  mortem  iustificari.  Et  rursus:  Videtis  quoniam  ex  operibus  iustificatur  homo,  et  non  ex  fide  tantum.  Roc  vero  iustitiae  incrementum  petit  sancta  Ecclesia,  quum  orat:  Da  nobisy  Domine,  fidei,  spei  et  caritatis  augmentum,  ete.  De  observatione  mandatorum,  deque  illius  necessitate  et  possibilitate.  XII.  Nemo  autem,  quantumvis  iustificatus,  liberum  se  esse  ab  observatione  mandatorum  putare  debet:  nemo  temeraria  illa,  et  a  patribus  sub  anathemate  [pag.  146J  prohibita  voce  uti  debet,  Dei  praecepta  homini  iustificato  ad  observandum  esse^  impossibilia.  Nam  Deus  impossibile  non  iubet,  sed  iubendo  monet  et  facere  quod  possis,  et  petere  quod  non  possis,  et  ad"  1)  Al  propter.  2)  Edd.  se  ipsum  suamque.  28