6:434  de  sa  pantouffle  qui  est  a  sainct  lacquerie,  et  un  de  ses  soliers,  qui  est  a  sainct  Flour.  Quand  il  n'y  auroit  autre  chose,  tout  homme  de  moyenne  prudence  sait  bien  que  ce  n'a  pas  este  la  facon  des  fideles,  de  ramasser  ainsi  chausses  et  soliers  pour  faire  des  reliques,  et  que  iamais  il  n'en  fut  faict  mention  de  plus  de  cinq  cens  ans  apres  la  mort  de  la  vierge  Marie.  Qu'en  faut-il  donc  plus  arguer,  comme  si  la  chose  estoit  doubteuse?  Mesme  ilz  ont  voulu  faire  a  croire  a  la  saincte  Vierge  qu'elle  estoit  fort  curieuse  a  se  parer  et  testonner.  1)  Car  ilz  monstrent  deux  de  ses  peignes:  l'un  a  Rome,  en  l'eglise  de  sainct  Martin,  et  l'autre  a  sainct  Iehan  le  grand,  de  Besanson,  sans  ceux  qui  se  pourroyent  monstrer  ailleurs.  Si  cela  n'est  se  moquer  de  la  saincte  Vierge,  ie  n'entens  [page  65]  point  que  c'est  de  moquerie.  Ilz  n'ont  point  oblye  l'aneau  de  ses  espousailles,  car  ilz  Tont  a  Peruse.  Pource  que  maintenant  la  coustume  est  que  le  mary  donne  un  aneau  a  sa  femme  en  l'espousant,  ilz  ont  imagine  qu'il  se  faisoit  ainsi  adonc:  et  sans  en  faire  plus  longue  inquisition,  ont  depute  un  aneau  a  cest  usaige,  beau  et  riche,  ne  considerant  point  la  povrete  en  laquelle  a  vescu  la  saincte  Vierge.  De  ses  robbes,  ilz  en  ont  a  Rome,  a  sainct  Iehan  de  Latran;  item,  en  l'eglise  saincte  Barbe;  item,  a  saincte  Marie  sus  Minerve;  item,  en  l'eglise  sainct  Blaise,  et  a  sainct  Salvador  en  Hespaigne*  pour  le  moins  ilz  se  disent  en  avoir  des  pieces.  I'ay  bien  encores  ouy  nommer  d'autres  lieux,  mais  il  ne  m'en  souvient.  Pour  monstrer  la  faulsete  en  cest  endroit,  il  ne  faudroit  que  regarder  la  matiere;  car  il  leur  a  semble  advis  qu'il  leur  estoit  aussi  facile  d'attribuer  a  la  vierge  Marie  des  vestemens  a  leur  poste,  comme  de  vestir  les  images  ainsi  qu'ilz  les  vestent.  Il  reste  a  parler  des  images,  non  [page  66]  point  des  communes,  mais  de  celles  qui  sont  en  recommandation  par  dessus  les  autres,  pour  quelque  singularite.  Or,  ilz  font  a  croire  a  sainct  Luc,  qu'il  en  peingnit  quatre  a  Rome,  au  lieu  ou  est  maintenant  l'eglise  de  saincte  Marie  qu'ilz  appellent  inviolata.  L'une  se  monstre  la  en  un  oratoire,  laquelle  il  fit  (comme  ilz  disent)  a  sa  devotion,  avec  l'aneau  duquel  sainct  Ioseph  l'avoit  espousee.  Il  s'en  monstre  a  Rome  mesme  une  autre  a  saincte  Marie  la  neufve,  laquelle  ilz  disent  avoir  este  faicte  ainsi  par  sainct  Luc  en  Troade,  et  que  depuis  elle  leur  a  este  apportee  par  un  Ange;  item  une  autre  a  saincte  Marie  ara  coeli,  en  telle  forme  qu'elle  estoit  aupres  de  la  croix.  Mais  a  sainct  Augustin,  ilz  se  vantent  d'avoir  la  principalle;  car  c'est  celle,  si  on  les  croit,  que  sainct  Luc  portoit  tousiours  avec  1)  Bononiae  G.  2)  Montserrat  1544.  1563;  Montserrat  1566  et  G.  Calvini  opera.  Vol,  VI  1)  comae  pectendae  G