55:434  temere  ac  stulte  aemulari  prophetam.  Ergo  tenenda  est  orandi  regula,  ut  ex  fide.  In  hoc  ergo  accommodat  exemplum9  quod  si  exauditus  fuit  Elias,  nos  quoque  rite  precando  exaudiemur.  Nam  quum  sit  commune  orandi  praeceptum  et  communis  promissio:  sequitur  effectum  quoque  fore  communem.  Ne  quis  autem  obiiceret,  longe  nos  distare  a  gradu  Eliae,  eum  collocat  in  nostro  ordine,  quum  dicit  hominem  fuisse  mortalem  et  iisdem  nobiscum  passionibus  obnoxium.  Nam  ideo  minus  proficimus  ex  sanctorum  exemplis,  quia  ipsos  fingimus  semideos  vel  heroas,  quibus  peculiare  fuerit  cum  Deo  commercium:  ita  ex  eo  quod  exauditi  sunt,  nihil  fiduciae  concipimus.  Ut  hanc  ethnicam  et  profanam  superstitionem  Iacobus  excutiat,  sanctos  in  carnis  infirmitate  considerandos  esse  admonet:  ut  discamus  non  eorum  meritis,  sed  orationis  efficaciae  tribuere  quod  omnia  a  Deo  impetrarunt.  Hinc  apparet  quam  pueriliter  nugentur  papistae,  qui  ad  sanctorum  patrocinium  confugere  docent,  quia  exauditi  fuerint  a  Domino.  Sic  enim  colligunt:  quia  ille  obtinuit  quod  petebat,  quamdiu  vixit  in  mundo,  nunc  optimus  erit  post  mortem  nobis  patronus.  Haec  argutia  spiritui  sancto  incognita  fuit.  Nam  exadverso  ratiocinatur  Iacobus,  quia  tantum  valuerunt  eorum  preces,  debere  nos  similiter  eorum  exemplo  hodie  orare:  idque  nos  non  frustra  facturos.  19.  Fratres  mei,  si  quis  inter  vos  erraverit  a  veritate,  ei  converterit  quispiam  eum:  20.  cognoscat  quod  qui  converterit  peccatorem  ab  errore  viae  suaey  servabit  animam  a  morte,  et  multitudinem  operiet  peccatorum.  20.  Cognoscat.  Dubito  annon  potius  scriptum  fuerit  ytv&axexe:  Ita  legendum  esset:  Cognoscite.  Utroque  tamen  modo  stabit  idem  sensus.  Commendat  enim  nobis  Iacobus  fratrum  correctionem  ab  effectu,  ut  maiore  studio  in  eam  intenti  simus.  Nihil  praestantius  aut  magis  optabile,  quam  animam  eripere  ex  morte  aeterna:  hoc  autem  facit  qui  fratrem  errantem  reducit  in  viam:  ergo  tam  praeclarum  opus  minime  negligendum  est.  Cibum  dare  esurienti,  et  sitienti  potum,  videmus  quanti  Christus  aestimet:  atqui  multo  pretiosior  est  illi  animae  salus  quam  corporis  vita.  Cavendum  ergo  ne  nostra  ignavia  pereant  redemptae  a  Christo  animae,  quarum  salutem  quodammodo  in  manu  nostra  ponit  Deus.  Non  quod  salutem  conseramus  ipsi:  sed  quod  Deus  ministerio  nostro  liberat  ac  servat  quod  alioqui  videbatur  exitio  propinquum.  Aliqui  codices  habent,  animam  eius,  quod  de  sensu  nihil  mutat.  Ego  tamen  diversam  lectionem  sequi  malo,  quia  plus  energiae  habet.  Operiet  multitudinem  peccatorum.  Alludit  potius  28