54:434  ainsi  arreste  en  son  opiniastrete,  il  faut  qu'il  effarouche  le  troupeau  de  Dieu,  et  il  s'ensuyvra  une  horrible  dissipation.  Et  pourtant  il  faut  qu'un  homme  se  deporte  de  son  sens,  afin  qu'il  puisse  servir  a  Dieu,  et  maintenir  l'Eglise  en  bonne  concorde.  Et  cela  gist  en  deux  choses  principalement:  c'est  que  nous  souffrions  d'estre  enseignez,  quand  nous  enseignons  les  autres.  Car  si  nous  n'avons  cela,  d'apprendre  volontiers,  et  de  profiter,  afin  que  les  autres  profitent  avec  nous,  iamais  nous  ne  pourrons  nous  acquitter  de  nostre  devoir.  Celuy  donc  que  Dieu  a  constitue  pour  maistre  et  docteur  en  sa  maison,  il  faut  qu'il  soit  le  premier  disciple,  qu'il  se  rende  tant  plus  docile  pour  recevoir  doctrine  et  admonition.  Voila  le  premier  poinct.  Le  second,  c'est  qu'aussi  nous  souffrions  qu'on  nous  donne  conseil,  qu'on  nous  remonstre,  et  que  nous  recevions  ce  qui  sera  le  meilleur.  Voila  donc  ce  que  sainct  Paul  a  voulu  ici  en  somme:  c'est  ascavoir  que  ceux  qui  sont  appelez  pour  anoncer  la  parole  de  Dieu,  regardent  bien  de  n'avoir  pas  une  teste  dure,  mais  qu'ils  soyent  dociles,  qu'ils  ayent  un  esprit  benin  et  paisible,  qu'ils  ne  demandent  sinon  a  edifier,  qu'ils  ne  soyent  point  elevez  en  telle  presomption  de  cuider  tout  scavoir,  mais  au  contraire,  que  tous  les  iours  ils  demandent  d'apprendre,  et  qu'ils  souffrent  aussi  d'estre  enseignez:  et  aussi  qu'ils  soyent  traittables  en  leurs  moeurs.  Et  de  faict,  nous  voyons  que  tous  ceux  qui  sont  ainsi  addonnez  a  fierte,  deviendront  tous  les  coups  schismatiques:  c'est  a  dire  qu'ils  feront  des  sectes  en  l'Eglise  de  Dieu,  et  troubleront  tout.  Ainsi  donc  ce  n'est  point  sans  cause  que  sainct  Paul  a  voulu  corriger  une  telle  hautesse,  disant  que  c'est  un  crime,  comme  l'experience  le  monstre.  Il  adiouste  quant  et  quant,  Qu'il  ne  soit  point  colere:  qui  est  un  vice  prochain.  Car  si  un  homme  lasche  la  bride  a  ses  passions,  il  est  certain  que  cela  l'empeschera  par  trop  de  servir  a  Dieu.  Et  d'autant  que  l'yvrongnerie  est  pour  augmenter  encores  la  fierte  de  ceux  qui  desia  y  sont  trop  enclins,  et  que  cela  est  comme  une  espece  de  rage,  sainct  Paul  notamment  dit  qu'il  faut  que  les  ministres  de  la  parole  de  Dieu  soyent  sobres,  et  non  point  adonnez  au  vin.  Car  si  l'yvrongnerie  regne  en  un  homme,  ii  n'y  aura  nulle  raison,  nulle  equite  ne  modestie.  Yoila  donc  autant  de  pestes  mortelles  que  sainct  Paul  nomme  de  vices,  desquels  les  ministres  de  la  parole  se  doivent  garder.  Il  adiouste  quant  et  quant,  Qu'ils  ne  soyeiu  point  batteurs  ne  noiseux:  qu'ils  ne  soyent  point  comme  gendarmes,  et  gens  tousiours  prests  a  desgainer,  ayans  la  teste  a  rescarmouche,  comme  s'il  faloit  tousiours  avoir  l'espee  au  poing.  Il  faut  bien  aussi  que  ce  vice  soit  corrige.  Finalement  il  met  l'avarice.  Or  il  est  certain  qu'un  homme  qui  taschera  28