5:434  de  quelz  erreurs  et  superstitions  il  a  este  contamine  :  ou  il  sera  monstre  quel  different  doibvent  avoir  les  serviteurs  de  Dieu  [pag.  5]  d'avec  les  papistes.  Pour  le  dernier  poinct,  nous  dirons  quelle  a  este  la  source  de  la  contention,  laquelle  a  este  tant  aigrement  debatue,  mesme  entre  ceux  qui  ont  de  nostre  temps  remis  l'Evangile  en  lumiere,  et  se  sont  employez  pour  droictement  ediffier  l'Esglise  en  saine  doctrine.  Quant  est  du  premier  article:  Puis  qu'il  a  pleu  a  nostre  bon  Dieu  de  nous  recevoir  par  le  baptesme  en  son  Esglise,  qui  est  sa  maison,  laquelle  il  veult  entretenir  et  gouverner:  et  qu'il  nous  a  receuz  non  seullement  pour  nous  avoir  comme  ses  domestiques,  mais  comme  ses  propres  enfans:  il  reste  que  pour  faire  l'office  d'un  bon  pere,  il  nous  nourrisse  et  pourvoye  de  tout  ce  qui  nous  est  necessaire  a  vivre*  Car  de  la  nourriture  corporelle,  pource  qu'elle  est  commune  a  tous,  et  que  les  mauvais  en  ont  leur  part  comme  les  bons,  elle  n'est  pas  propre  a  sa  famille.  Bien  est  vray  que  nous  avons  desia  en  cela  un  tesmoignage  de  sa  bonte  paternelle,  [pag.  6]  de  ce  qu'il  nous  entretient  selon  le  corps:  veu  que  nous  participons  a  tous  les  biens  qu'il  nous  donne  avec  sa  benediction.  Mais  tout  ainsi  que  la  vie,  en  laquelle  il  nous  a  regenerez,  est  spirituelle  :  aussi  fault  il  que  la  viande,  pour  nous  conserver  et  confermer  en  icelle,  soit  spirituelle.  Car  nous  dcbvons  entendre  que  non  seullement  il  nous  a  appellez  a  posseder  une  foys  son  Heritage  celeste:  mais  que  par  esperance  il  nous  a  desia  aucunement  introduicte  en  ceste  possession:  que  non  seullement  il  nous  a  promis  la  vie,  mais  nous  a  desia  transferez  en  icelle,  nous  retirant  de  la  mort.1  C'est  quand,  en  nous  adoptant  pour  ses  enfans,  il  nous  a  regenerez  par  la  semence  d'immortalite,  qui  est  sa  parolle,  imprimee  en  noz  cueurs  par  son  sainct  Esprit.  28