47:434  eam  ad  discipulos  venisse:  unde  colligimus  de  illis  loquutum  fuisse  Christum.  Ad  haec  sciebat  Christus  uno  in  loco  congregatos  esse  discipulos,  quos  isti  opinione  sua  separant.  Et  valde  absurdum  foret,  habita  nescio  quorum  ratione,  neglectos  esse  discipulos,  qui  in  unum  locum  aggregati  anxie  inter  spem  et  metum  aestuabant.  Adde  quod  loquutionem  istam  mutuatus  esse  videtur  Christus  ex  Psal.  22,  23,  ubi  legimus:  Nuntiabo  nomen  tuum  fratribus  meis.  Nam  eius  vaticinii  complementum  hoc  loco  referri  extra  controversiam  est.  Statuo  igitur  ad  discipulos  in  commune  missam  esse  Mariam:  idque  factum  interpretor  exprobrandi  causa,  quod  ad  credendum  adeo  tardi  socordesque  fuissent.  Et  certe  non  mulieribus  tantum,  sed  bobus  quoque  et  asinis  magistris  digni  erant,  apud  quos  tam  sedula  docendi  opera  et  assiduitate  filius  Dei  tam  parum  aut  fere  nihil  profecerat.  Est  tamen  haec  mitis  et  placida  castigatio,  dum  Christus  ita  discipulos  ad  mulierum  scholam  ablegat,  ut  per  eas  ad  se  revocet.  Inaestimabilis  etiam  oius  bonitas  in  eo  relucet,  quod  mulieres  destinat  ac  constituit  apostolis  testes  resurrectionis  suae.  Nam  quae  illis  mandatur  legatio  unicum  est  salutis  nostrae  fundamentum  et  praecipuum  coelestis  sapientiae  caput  continet.  Quanquam  simul  notandum  est  hoc  fuisse  extraordinarium  et  quasi  accidentale.  Iubentur  nuntiare  apostolis,  quod  illi  postea  pro  iniuncto  bibi  munere  toti  mundo  publicarunt.  Sed  hoc  non  faciunt  ut  apostolae.  Quare  perperam  ex  hoc  Christi  mandato  legem  eliciunt,  qui  mulieribus  permittunt  baptizandi  partes.  Nobis  sufficiat,  quod  in  illis  Christus  immensos  gratiae  suae  thesauros  explicuit,  dum  illas  semel  praefecit  apostolis  magistras,  sic  tamen  ut  nollet  in  exemplum  trahi  quod  singulari  privilegio  factum  est:  praesertim  id  in  Maria  Magdalena  cernere  licet,  quae  septem  daemonum  prius  captiva  fuerat.  Perinde  enim  hoc  fuit,  ac  si  Christus  ab  ultimis  inferis  eductam  supra  coelos  attolleret.  Si  quis  obiiciat,  non  fuisse  cur  apostolis  Christus  mulieres  praeferret,  quae  non  minus  carnales  erant  ac  stupidae,  respondeo,  discrimen  inter  has  et  illos  non  in  nostro,  sed  iudicis  arbitrio  esse  positum.  Deinde  acrius  obiurgandos  fuisse  dico,  qui  non  modo  prae  aliis  edocti  fuerant,  sed  ordinati  totius  orbis  doctores,  vocati  lux  hominum  et  sal  terrae  adeo  turpiter  defecerant.  Interim  placuit  Domino  in  istis  contemptis  infirmisque  organis  virtutis  suae  specimen  exserere.  Adscendo  ad  patrem  meum.  Adscensus  nomine  illam  quam  nuper  exposui  doctrinam  confirmat:  nempe  ideo  se  resurrexisse,  non  ut  moram  traheret  in  terra,  sed  ut  coelestem  vitam  ingressus  secum  eo  fideles  traheret.  In  summa,  hoc  verbo  apostolos  vetat  in  simplici  et  nuda  resurrectione  subsistere,  sed  ulterius  iubet  progredi,  usque  dum  ad  spirituale  28