37:434  rerum  ordinem  perturbavit.  Quum  autem  Christi  sit  omnia  in  statum  atque  ordinem  suum  colligere,  ideo  confusionem  vel  dissipationem  quae  nunc  est  in  rebus  humanis  Christi  adventu  sublatum  iri  significat:  quia  tunc  abolitis  corruptelis  redibit  mundus  ad  primam  originem.  Leo  vescetur  sine  noxa,  nec  amplius  praedam  appetet.  Serpens  suo  pulvere  contentus  in  eo  delitescet,  nec  amplius  venefico  morsu  nocebit.  Denique,  quidquid  confusum  aut  perturbatum  est,  ordini  suo  restituetur.  Interea  minime  dubium  est,  quin  propheta  allegorice  loquatur  de  sanguinariis  et  violentis  hominibus,  quorum  fera  et  immitis  natura  domabitur,  quum  Christi  iugum  subibunt.  Sed  prius  confusio  quae  hominis  lapsu  contigit,  in  creaturis  omnibus  diligenter  consideranda.  Ea  enim  praeterita  beneficium  hoc  restitutionis  non  satis  apte  et  accurate  a  nobis  expendi  posset.  Simul  repetenda  sunt  memoria  quae  undecimo  capite  de  simili  allegoria  diximus.  Docemur  hic  quales  sint  homines  antequam  eos  convertat  Dominus,  atque  in  ovile  suum  adscribat:  sunt  enim  ferae  bestiae  et  indomitae:  atque  tunc  demum  ab  omni  noxa  abstinere  incipiunt,  quum  Dominus  eorum  libidinem,  et  insanum  nocendi  appetitum  represserit.  Addit  tandem  in  toto  monte  sancto,  quia  discussis  quisquiliis  et  sordibus  Dominus  puram  sibi  ecclesiam  colliget:  nam  sub  nota  universali  intelligitur  purgatio.  Mirum  interea  videri  non  debet,  quod  tam  multi  adhuc  ferociant.  Pauci  enim  sunt  veri  incolae  montis  Dei:  pauci  integri  ac  fideles,  etiam  inter  eos  qui  se  Christianos  profitentur.  Quum  in  iis  adhuc  regnet  ac  vigeat  vetus  homo,  dissidia  quoque  et  bella  inter  ipsos  vigere  et  grassari  necesse  est.  CAPUT  LXvi.  1.  Sic  dicit  Iehova:  Coelum  sedes  mea,  et  terra  scabellum  pedum  meorum.  Ubi  ista  domus,  quam  aedificabitis  mihi?  et  ubi  hic  locus  quietis  meae?  2.  Atqui  manus  mea  haec  omnia  fecit,  et  coeperunt  esse  haec  omnia,  dicit  Iehova.  Et  ad  hunc  respicio  qui  humilis  est  ac  contritus  spiritu,  tremitque  ad  sermonem  meum.  3.  Qui  mactat  bovem,  ac  si  hominem  occidat:  qui  sacrificat  pecudem,  ac  si  canem  iugulet.  Qui  offert  minha,  ac  si  offerret  sanguinem  suillum:  qui  recordatur  thuris,  ac  si  benedicat  idolo1).  Et  sane  elegerunt  vias  suas:  et  abominationes  eorum  anima  ipsorum  desideravit.  4.  Ego  quoque  eligam  illusiones  eorum:  et  terrorem  ipsorum  inducam  illis:  quia  vocavi,  et  nemo  respondit:  loquutus  sum,  et  non  audierunt,  et  fecerunt  malum  in  oculis  meis,  et  ea  in  *)  Hebr.  iniquitati.  28