25:434  fluant,  Dei  benedictionem  sibi  concilient  tam  discendi  studio,  quam  fidei  obedientia.  In  fine  versus  quia  ambiguum  est  verbum,  ut  nuper  dixi,  vel  eadem  repetitur  sententia,  vel  additur  secunda  promissio:  qui  sensus  mihi  probatur.  Optime  enim  convenit,  post  felicitatem  promissam,  simul  Iosue  commonefieri,  homines  nihil  recte,  ordine  ac  scienter  aggredi  nisi  quatenus  se  Dei  verbo  regendos  subiiciunt.  Itaque  prudentia  quam  ex  Dei  verbo  discunt  fideles,  eorum  confidentiae  opponitur,  qui  sibi  satis  considerate  ex  proprio  sensu  agere  videntur.  9.  Nonne  praecepi.  Quanquam  saepe  Hebraei  interrogando  simpliciter  affirmant,  eaque  phrasis  passim  trita  est:  haec  tamen  interrogatio  emphatica  est  ad  obsignandam  superiorem  doctrinam,  dum  producta  in  medium  sua  autoritate,  dubitatione  et  cura  servi  sui  animum  Deus  liberat.  Annon  ego  sum  qui  tibi  praecepi?  inquit.  Idem  tibi  quoque  adero.  Emphatice  nimirum,  quia  fas  non  est  refragari  eius  imperio.  Docet  autem  rursum  hic  locus,  nihil  ad  fiduciam  magis  valere,  quam  ubi  Dei  vocatione  et  mandato  freti,  eiusque  probe  nobis  conscii,  quo  vocat  ipsum  sequimur  ducem.  10.  Tunc  praecepit  Iosue  praefectis  populi  dicendo:  l  l  .  Transite  per  medium  castrorum,  et  praecipite  populo,  dicendo:  Parate  vobis  annonam:  quia  post  tres  dies  transibitis  Iordanem  hunc,  ut  intretis  et  possideatis  terram,  quam  Iehova  Deus  vester  dat  vobis  possidendam.  12.  Ad  Rubenitas  vero  et  Gaditas  et  dimidiam  tribum  Manasse  loquutus  est  Iosue  dicendo:  13.  Recordamini  verbi  quod  praecepit  vobis  Moses  servus  Iehovae  dicendo:  Iehova  Deus  vester  reddidit  vos  quietos,  et  dedit  vobis  terram  hanc:  14.  Uxores  vestrae,  parvuli  vestri,  et  pecora  vestra  residebunt  in  terra  quam  dedit  vobis  Moses  trans  Iordanem:  vos  autem  transibitis  armati  ante  fratres  vestros,  quicunque  erunt  viri  bellicosi  iuvabitisque  eos.  15.  Donec  quietem  praestiterit  Iehova  fratribus  vestris  sicut  vobis,  et  possideant  ipsi  quoque  terram  quam  Iehova  Deus  vester  dat  eis:  et  tunc  redibitis  ad  terram  haereditatis  vestrae,  possidebitisque  eam  quam  dedit  vobis  Moses  servus  Iehovae  ultra  Iordanem  ad  exortum  solis.  16.  Tunc  responderunt  Iosue,  dicendo:  Omnia  quae  praecepisti  nobis  faciemus,  et  ad  omnia  ad  quae  miseris  nos  ibimus.  17.  Sicut  in  omnibus  obedivimus  Mosi,  sic  obediemus  tibi:  tantum  sit  Iehova  Deus  tuus  tecum  sicut  fuit  cum  Mose.  18.  Quisquis  fuerit  qui  rebellaverit  ori  tuo,  nec  verbis  tuis  acquieverit  in  omnibus  quae  ei  mandaveris,  interficiatur.  Tantum  confirmare  et  roborare.  10.  Tunc  praecepit.  Dubitari  potest,  an  post  exploratores  missos,  adeoque  ab  ipsorum  reditu  promulgatum  fuerit  hoc  edictum.  Et  certe  mihi  28