8:433  433  IV.  DE  SERVIR  DIEU  LIBREMENT.  434  nous  suscite,  a  l'opposite,  nous  prenions  ceste  conclusion,  qu'il  n'y  a  rien  plus  beau  ne  plus  delectable  que  d'habiter  au  Temple  ou  on  la  voit.  Ainsi  toutes  fois  et  quantes  que  tels  scandales  nous  viennent  au  devant,  qu'il  nous  souvienne  que  c'est  Satan  qui  besongne  de  son  artifice  accoustume  pour  nous  troubler  la  veue.  Sur  cela  soyons  sages  pour  n'estre  point  divertis  de  veoir  la  face  de  Dieu,  a  fin  de  nous  esiouir  pleinement  en  la  voyant.  Les  povres  idolatres  nous  debvroyent  faire  grand  honte;  car  si  quelqu'un  d'eulx,  apres  avoir  mal  despendu  son  argent,  et  consume  son  corps  en  travail  pour  faire  un  fol  pelerinage,  estant  venu  au  lieu,  rencontre  un  hoste  qui  le  ranconne,  des  bateurs  de  pave  qui  luy  facent  violence,  des  prebstres  qui  l'affrontent;  brief,  qu'il  n'y  trouve  que  confusion,  si  est-ce  que  pour  tout  cela  sa  devotion  ne  changera  point:  car  il  dira  qu'il  est  venu  pour  veoir  et  adorer,  ou  le  corps  du  benoist  sainct,  ou  l'image  de  I  quelque  nostre  dame,  ou  un  tel  reliquaire.  La  simple  veue  d'une  charongne  ou  d'un  marmouset  aura  elle  plus  de  vertu  a  faire  que  les  incredules  demeurent  obstinez  en  leurs  superstitions,  que  la  face  de  Dieu  n'aura  envers  nous  pour  nous  donner  constance  a  suyvre  le  bien?  Nous  voyons  ceci  et  cela  qui  nous  despitent.  Dieu  nous  rappelle  a  soy  et  veult  qu'en  regardant  sa  face  nous  y  prenions  tel  plaisir,  que  nous  portions  patiemment  tout  le  reste.  Pourtant,  que  ce  soit  <  le  bouclier  et  refuge  de  tous  vrais  fideles  de  se  tenir  a  la  face  de  Dieu,  en  quelque  sorte  que  Satan  machine  a  les  divertir.  Et  de  faict,  quand  nous  la  priserons  ainsi  quelle  le  merite,  rien  ne  nous  coustera;  combien,  a  dire  la  verite,  que  la  pluspart  ne  sont  pas  tant  empeschez  de  scrupule  que  des  difficultez  qui  concernent  le  corps.  Non  pas  que  les  enfans  de  Dieu  n'ayent  des  combas  bien  difficiles  en  leurs  consciences,  quand  ils  trouvent  aux  Eglises  qu'on  dit  estre  reformees  les  scandales  dont  nous  avons  parle.  Et  pourtant  fault-il  que  ceulx  qui  se  dehberent  de  se  retirer  "aux  lieux  ou  l'Evangile  se  presche,  soyent  advertis  des  mauvaises  rencontres,  et  se  preparent  a  y  resister.  Que  ceulx  aussi  qui  en  ont  l'experience  se  fortifient,  et  que  maulgre  Satan  ils  continuent  a  cercher  la  face  de  Dieu.  Mais  quand  tout  sera  bien  compte,  il  n'y  a  qu'une  pure  desfiance  qui  retarde  [f.  64]  la  plus  grande  multitude;  et  comme  les  hommes  sont  subtils  a  forger  des  excuses,  les  riches  en  ameinent  d'un  coste,  les  povres  de  l'autre.  Comment  sera-il  possible,  dira  un  grand  terrien,  que  ie  me  desface  de  ce  que  i'ay?  et  m'en  irois-ie  desnue  de  tous  mes  biens?  I'ay  femme  et  enfans,  nous  avons  accoustume  d'estre  bien  nourris  sans  travailler;  que  ferons-nous  en  un  pais  estrange,  auquel  nous  n'aurons  ne  rentes  ne  revenus?  Le  povre  allegue  a  l'opposite:  I'ay  yci  bien  peu,  mais  Calvini  opera.  Vol  V11L