7:433  433  CUM  ANTIDOTO.  434  sacramentum  fidei,  sine  qua  nulli  unquam  contigit  iustificatio.  Demum  unica  formalis  causa  est  iustitia  Dei,  non  qua  ipse  iustus  est:  sed  qua  nos  iustos  facit:  qua  videlicet  ab  eo  donati  renovamur  spiritu  mentis  nostrae:  et  non  modo  reputamur,  sed  vere  iusti  nominamur  et  sumus,  iustitiam  in  nobis  recipientes  unusquisque  suam,  secundum  mensuram  quam  Spiritus  sanctus  partitur  singulis,  prout  vult,  et  secundum  propriam  uniuscuiusque  dispositionem  et  cooperationem.  Quanquam  enim  nemo  possit  esse  iustus,  nisi  cui  merita  passionis  Christi  communicantur;  id  tamen  in  hac  impii  iustificatione  fit,  dum  eiusdem  sanctae  passionis  merito,  per  Spiritum  sanctum  caritas  Dei  diffunditur  in  cordibus  eorum,  qui  iustificantur,  atque  ipsis  inhaeret:  unde  in  ipsa  iustificatione,  cum  remissione  peccatorum,  haec  omnia  simul  infusa  accipit  homo,  per  Iesum  Christum  cui  inseritur,  fidem,  spem,  et  caritatem.  Nam  fides  nisi  ad  eam  spes  accedat,  et  caritas,  neque  [pag.  142]  unit  perfecte  cum  Christo,  neque  corporis  eius  vivum  membrum  efficit.  Qua  ratione  verissime  dicitur  fidem  sine  operibus  mortuam  et  otiosam  fore:  et  in  Christo  Iesu,  neque  circumcisionem,  neque  praeputium  aliquid  valere,  sed  fidem  quae  per  caritatem  operatur.  Hanc  fidem  ante  baptismi  sacramentum,  ex  traditione  Apostolorum,  catechumeni  ab  Ecclesia  petunt,  quum  petunt  fidem,  vitam  aeternam  praestantem,  quam  sine  spe  et  caritate  fides  praestare  non  potest  Unde  statim  verbum  Christi  audiunt:  Si  vis  ad  vitam  ingredi,  serva  mandata.  Itaque  veram  et  Christianam  iustitiam  accipientes,  eam,  ceu  primam  stolam,  pro  Uia  quam  Adam  sua  inobedientia  sibi  et  nobis  perdidit,  per  Christum  Iesum  illis  donatam  candidam  et  immaculatam  iubentur  statim  renati  conservare,  ut  eam  proferantl)  ante  tribunal  Domini  nostri  Iesu  Christi,  et  habeant  vitam  aeternam.  Quo  modo  intelligatur  impium  per  fidem  et  gratis  iustificari.  [pag.  143]  IX.  Quum  vero  Apostolus  dicat,  iustificari  hominem  per  fidem  et  gratis:  ea  verba  %n  eo  sensu  intelligenda  sunt,  quem  perpetuus  Ecclesiae  catholicae  consensus  tenuit  et  expressit,  ut  scilicet  per  fidem  ideo  iustificari  dicamur,  quia  fides  est  humanae  salutis  initium,  fundamentum  et  radix  omnis  iustificationis,  sine  qua  impossibile  est  placere  Deo,  et  ad  filiorum  consortium  pervenire:  gratis  autem  iustificari  ideo  dicamur,  quia  nihil  eorum,  quae  iustificationem  praecedunt,  sive  fides,  sive  opera,  ipsam  iustificationis  gratiam  promeretur:  si  enim  gratia,  iam  non  ex  operibus:  alioquin2)  gratia  iam  non  esset  gratia.  1)  Edd.  perferant.  2)  Al.  add.  ut  idem  Apostolus  inquit.  Calvini  opera.  Vol.  VII.