6:433  TRAICTE  DES  RELIQUES.  nous  ne  lisons  pas  que  iamais  aucun  ayt  eu  ceste  curiosite.  Il  esb  bien  dict  que  les  Pasteurs  ont  adore  Iesus  Christ,  que  les  Sages  luy  ont  offert  leurs  presens;  mais  il  n'est  point  dict  qu'ilz  ayent  rapporte  du  laict  pour  recompense.  Sainct  Luc  recite  bien  ce  que  Simeon  predit  a  la  Vierge,  mais  il  ne  dit  pas  qu'il  luy  demandast  de  son  [page  62]  laict.  Quand  on  ne  regardera  que  ce  poinct,  il  ne  faut  ia  arguer  d'avantage,  pour  monstrer  combien  ceste  follie  est  contre  toute  raison  et  sans  couverture  aucune.  C'est  merveilles,  puis  qu'ilz  ne  pouvoyent  avoir  autre  chose  du  corps,  qu'ilz  ne  se  sont  advisez  de  rongner  de  ses  ongles  et  de  choses  semblables;  mais  il  faut  dire  que  tout  ne  leur  est  pas  venu  en  memoire.  Le  reste  qu'ilz  ont  des  reliques  de  nostre  Dame  est  de  son  baguage.  Premierement,  il  y  en  a  une  chemise  a  Chartres,  de  la  quelle  on  fait  une  idole  asses  renommee  ;  et  a  Aix  en  Allemaigne,  une  autre.  Ie  laisse  la  comment  c'est  qu'ilz  les  ont  peu  avoir;  car  c'est  chose  certaine  que  les  Apostres  et  les  vrays  chrestiens  de  leur  temps  n'ont  pas  este  si  badins  que  de  s'amuser  a  telles  manigances.  Mais  qu'on  regarde  seulement  la  forme,  et  ie  quitte  le  ieu,  si  on  n'apereeoit  a  l'oeil  leur  impudence.  Quand  on  faict  la  monstre,  a  Aix  en  Allemaigne,  de  la  chemise  que  nous  avons  dict  estre  la,  on  monstre,  au  bout  d'une  perchp,  [page  631  comme  une  longue  aulbe  de  Prestre.  Quand  la  vierge  Marie  auroit  este  une  geante,  a  grand  peine  eust  elle  porte  une  si  grande  chemise.  Et  pour  luy  donner  meilleur  lustre,  on  porte  quant  et  quant  les  chaussettes  sainct  Ioseph,  qui  seroyent  pour  un  petit  enfant  ou  un  Nain.  Le  proverbe  dit:  qu'un  menteur  doit  avoir  bonne  memoire,  de  peur  de  se  coupper  par  oubly.  Ilz  ont  mal  garde  ceste  reigle,  quand  ilz  n'ont  pense  de  faire  meilleure  proportion  entre  les  chausses  du  mary  et  la  chemise  de  la  femme.  Qu'on  aille  maintenant  baiser  bien  devotement  ces  reliques,  lesquelles  n'ont  autre  apparence  de  verite.  De  ses  couvrechefz,  ie  n'en  say  que  deux:  a  Trier  un,  en  l'abbaye  sainct  Maximin;  a  Lisio,  en  Italie,  un  autre.  Mais  ie  voudroye  qu'on  advisast  de  quelle  toile  ilz  sont,  et  si  on  les  portoit  de  telle  facon  en  ce  temps  la  au  pays  de  Iudee.  Ie  voudroye  aussi  qu'on  fist  comparaison  de  l'un  a  l'autre,  pour  veoir  comment  ilz  s'entresemblent.  A  Boulongne  1)  ilz  en  [page  64]  ont  un  fronteau.  Quelcun  me  demandera  si  ie  pense  que  ce  fronteau  soit  une  chose  controuvee.  Ie  respons  que  i'en  estime  autant  que  de  sa  ceincture  qui  est  a  Prat,  et  de  celle  qui  est  a  nostre  Dame  de  Montserrat;  2)  item,