55:433  433  CAPUT  Y.  434  sessio  exigitur,  non  alii  certe  iubentur  confiteri  peccata  sua,  quam  qui  vicissim  ad  audiendam  alterius  confessionem  sunt  idonei:  atqui  hoc  soli  sacrifici  sibi  vindicant:  ergo  ad  eos  solos  ableganda  est  confessio.  Sed  quum  indignae  sint  eorum  ineptiae  quibus  refutandis  occupemur,  sufficiat  nobis  vera  et  germana  expositio  quam  attuli.  Clare  enim  sonant  verba,  non  alio  fine  confessionem  nobis  praecipi,  nisi  ut  qui  mala  nostra  noverint,  ad  opem  ferendam  magis  sint  solliciti.]  Multum  valet.  Ne  quis  putet  hoc  fieri  sine  fructu,  dum  alii  pro  nobis  orant,  utilitatem  et  effectum  orationis  praedicat.  Nominatim  vero  dicit  precationem  iusti:  quia  impios  Deus  non  exaudit,  nec  ad  Deum  accessus  patet,  nisi  per  bonam  conscientiam.  Non  quod  in  propria  dignitate  fundatae  sint  nostrae  preces,  sed  quia  fide  purgatum  cor  habere  oportet,  ut  nos  in  conspectum  Dei  offeramus.  Testatur  ergo  Iacobus,  iustos  aut  fideles  utiliter,  nec  sine  effectu  pro  nobis  precari.  Sed  quid  sibi  vult  quod  addit  efficax?  Videtur  enim  hoc  esse  superfluum  :  nam  si  multum  prodest  oratio,  proculdubio  est  efficax.  Quod  vetus  interpres  transtulit,  assiduam:  nimis  est  coactum.  Iacobus  enim  graeco  participio  utitur  evepyou|xevy],  quod  tantundem  valet  atque  operans.  Posset  autem  sio  resolvi  oratio,  multum  prodest,  quia  est  efficax  :  ut  sit  argumentum  ductum  ab  illo  principio,  quod  Deus  non  vult  irritas  vel  otiosas  esse  fidelium  preces.  Inde  non  immerito  colligit,  multum  valere.  Sed  ego  potius  ad  praesentem  circumstantiam  restringo:  proprie  enim  preces  nostrae  evepyoojievai  dici  possunt,  dum  nobis  necessitas  aliqua  obiicitur,  quae  serium  orandi  affectum  excitet.  Quotidie  oramus  pro  tota  ecclesia,  ut  peccata  illi  Deus  remittat:  sed  tunc  vere  in  actu  est  oratio,  quum  succurrere  contendimus  iis  qui  laborant.  Talis  porro  efficacia  in  fratrum  precibus  esse  non  potest,  nisi  nos  laborare  sciant.  Ideo  haec  causae  redditio  non  est  generalis:  sed  ad  priorem  sententiam  specialiter  aptari  debet.  17.  Elias  homo  erat.  Innumera  huius  rei,  quam  probare  vult,  exempla  exstant  in  scripturis:  sed  unum  elegit  prae  aliis  illustre.  Magnum  enim  hoc  fuit,  quod  Deus  precibus  Eliae  coelum  quodammodo  subiecit,  ut  eius  votis  obsequeretur.  Coelum  Elias  duobus  annis  et  sesqui  clausum  suis  precibus  tenuit:  rursum  aperuit,  ut  largam  pluviam  subito  funderet:  hinc  ergo  mirifica  patet  orationis  virtus.  Nota  est  ac  celebris  historia  quae  legitur  1.  Reg.  capite  17  et  18.  Tametsi  autem  diserte  illic  non  traditur  Eliam  orasse:  siccitatem  tamen  et  pluviam  eius  precibus  datam  esse  colligi  facile  potest.  Caeterum  notanda  est  exempli  applicatio.  Non  dicit  Iacobus  petendam  esse  siccitatem  a  Domino,  quia  hanc  impetraverit  Elias:  possemus  enim  inconsiderato  zelo  Calvini  opera.  Vol.  LV.