54:433  433  SUR  L'EPITRE  A  TITE.  434  Notons  bien  donc  quand  l'Eglise  est  appelee  la  maison  de  Dieu,  que  c'est  afin  que  nous  magnifions  la  bonte  inestimable  qu'il  nous  monstre,  quand  il  luy  plaist  approcher  de  nous,  et  faire  sa  residence  au  corps  qu'il  a  assemble  de  ses  fideles,  et  qu'il  veut  que  nous  soyons  conioints  a  luy,  et  cependant  qu'il  prend  la  charge  de  nostre  salut,  qu'il  nous  veut  gouverner  et  nourrir  comme  nostre  Maistre  et  comme  seul  superintendant,  voire  rapportant  cela  non  point  a  son  profit,  mais  a  nostre  salut.  Et  au  reste,  puis  qu'ainsi  est,  advisons  que  nous  ne  pouvons  pas  fuir  les  yeux  de  nostre  Dieu:  car  nous  luy  sommes  prochains:  que  donc  chacun  se  tiene  eu  bride.  Et  d'autant  qu'il  nous  a  assemblez  au  nombre  et  en  la  compagnie  des  fideles,  que  cela  nous  enflamme  tant  plus  pour  nous  presenter  a  Dieu,  afin  qu'il  nous  conduise,  et  que  nous  ne  facions  point  des  bestes  farouches,  puis  qu'il  nous  a  tant  magnifiez  que  de  nous  recueillir  en  sa  maison,  il  veut  que  nous  luy  soyons  comme  agneaux,  d'autant  qu'il  veut  faire  office  de  Pasteur  envers  nous.  Et  ainsi  nous  voyons  que  ce  passage  n'est  point  seulement  pour  les  Ministres  de  la  parole,  mais  qu'en  general  il  doit  profiter  a  tous  fideles,  quand  iis  le  scauront  bien  appliquer  a  leur  instruction.  Cependant  sainct  Paul  adiouste  les  vertus  qui  sont  requises  en  un  bon  Pasteur,  c'est  ascavoir  qu'il  ne  soit  point  fier,  ou  opiniastre,  adonne  a  son  sens  propre,  qu'il  ne  soit  point  ni  colere,  ni  adonne  au  vin,  ne  convoiteux  de  gain  deshonneste.  Or  sainct  Paul  met  ici  les  vertus  par  leur  contraire:  comme  s'il  disoit  qu'un  homme  qui  sera  adonne  au  vin,  qui  sera  opiniastre,  qui  sera  noiseux,  qui  sera  adonne  au  gain,  qu'il  ne  fait  qu'infecter  le  lieu  auquel  il  est,  qu'il  corrompra  toute  l'Eglise.  Voila  donc  les  crimes  dont  il  avoit  parle  ci  dessus,  disant  que  l'Evesque  doit  estre  sans  crime.  Or  ces  vices  que  sainct  Paul  note  ici,  sont  par  trop  enormes:  et  aussi  ils  emportent  comme  une  pollution  pour  pervertir  toute  la  police  de  l'Eglise,  qu'un  homme  qui  en  sera  entache  aucunement,  ne  peut  nullement  servir  a  Dieu.  Il  faut  donc  que  ceci  soit  purge  devant.  Et  voila  les  premieres  vertus  que  sainct  Paul  demande,  c'est  que  celuy  qui  doit  anoncer  la  parole  de  Dieu,  s'abstiene  de  ces  vices  qui  sont  ici  condamnez,  et  qu'il  mette  peine  de  les  corriger,  afin  que  rien  ne  l'empesche  de  faire  son  office.  Et  de  fait,  ceste  opiniastrete  dont  parle  sainct  Paul,  rend  les  hommes  insupportables.  Quand  un  homme  est  adonne  a  son  sens  pour  s'y  fier,  il  faut  qu'il  face  comme  un  monde  a  part:  ainsi  que  les  Payens  Tont  bien  sceu  dire.  Or  tout  ainsi  qu'un  Ministre  de  la  parole  de  Dieu  doit  attirer  ceux  qui  sont  comme  escartez,  il  doit  aussi  retenir  en  bonne  union  et  paix  ceux  qui  sont  desia  en  l'Eglise.  Et  s'il  est  Calvini  opera.  Vol  LIV.