5:433  TRAICTE  1)  DE  LA  SAINCTE  CENE  DE  NOSTRE  SEIGNEUR  ET  SEUL  SAUVEUR  IESUS  CHRIST.  PAR  IEAN  CALVIN.  Pource  que  le  Sainct  Sacrement  de  la  Cene  de  nostre  Seigneur  Iesus  a  este  long  temps  embrouille  de  plusieurs  grans  erreurs,  et  ces  annees  passees  a  encores  este  de  nouveau  enveloppe  de  diverses  opinions  et  disputes  contentieuses,2)  ce  n'est  pas  de  merveilles  si  beaucoup  de  consciences  infirmes  ne  se  peuvent  bonnement  resouldre,  de  ce  qu'elles  en  doivent  tenir,  mais  demeurent  en  doubte  et  perplexite,  en  attendant  que,  toutes  contentions  laissees,  les  serviteurs  de  Dieu  en  viennent  a.  quelque  concorde.  Toutesfois,  pource  que  c'est  une  chose  fort  perileuse  que  de  n'avoir  nulle  certitude  [pag.  4]  de  ce  mystere,  duquel  l'intelligence  est  tant  requise  a  nostre  salut,  i'ay  pense  que  ce  seroit  un  labeur  tresutile  que  de  traicter  brievement,  et  neantmoins  clairement  desduire  la  somme  principalle  de  ce  qu'il  en  fault  scavoir.  Et  aussi  veu  que  aucuns  bons  personnages,  considerans  la  necessite  qui  en  estoit,  m'en  ort  requis:  lesquelz  ie  n'ay  peu  refuser  sans  contrevenir  a  mon  debvoir.  Mais  a  fin  de  nous  bien  depeseher  de  toute  difficulte,  il  est  expedient  de  noter  l'ordre  que  i'ay  delibere  de  suivre.  Premierement  doncq  nous  exposerons  a  quelle  fin  et  pour  quelle  raison  le  Seigneur  nous  a  institue  ce  sainct  Sacrement.  Secondement,  quel  fruict  et  utilite  nous  en  recepvons:  ou  il  sera  pareillement  desclaire  comment  le  corps  de  Iesus  Christ  nous  y  est  donne.  Puis  apres,3)  quel  en  est  Tusaige  legitime.  Quartement  nous  reciterons  1)  Les  editions  de  1542  et  1549  reproduisent  ici  ce  meme  titre.  Celle  de  1566  met:  Petit  traitte  de  la  saincte  Cene  de  Nostre  Seigneur  Iesus  Christi  auquel  est  demonstre  la  vraye  institution,  profit  et  utilite  d'icelle.  2)  Le  traducteur  a  mis:  minus  quam  decebat  placidis.  3)  Puis  apres  1541.  1542.  1549;  Tiercement  1566;  Gallasius  deja  avait  mis.  Tertio.  Calvini  opera.  Vol  V.