47:433  433  CAPUT  XX.  434  etiam  penitus  caeca,  subito  perspicacem  reddit  Praeterea  exemplum  Mariae  exhortationis  vice  esse  debet,  ut  quotquot  Christus  ad  se  invitat  vicissim  illi  sine  mora  respondeant.  Vox  ipsa  Eabboni  chaldaica  est,  quanquam  illi  Ribboni  pronuntiant:  sed  usitatum  est  verba  mutari,  dum  in  alienam  linguam  vertuntur.  Perinde  autem  valet  ac  Dominus  meus  sive  magister.  Sed  invaluerat  Christi  tempore  ratio  loquendi,  ut  Rabbi  et  Rabboni  sumerent  pro  magistro.  17.  Ne  me  tangas.  Videtur  hoc  cum  Matthaei  (28,  9)  narratione  parum  esse  consentaneum.  Nam  ille  diserte  scribit,  mulieres  amplexas  esse  pedes  Christi.  Iam  quum  palpari  a  discipulis  voluerit,  quid  causae  fuit,  cur  Mariam  a  tactu  prohiberet?  Facilis  solutio  est,  si  modo  teneamus,  non  ante  repulsas  fuisse  mulieres  a  tactu  Christi,  quam  quum  in  eo  tangendo  iam  nimiae  fuissent.  Quatenus  enim  ad  eximendam  dubitationem  opus  erat,  se  procul  dubio  tangi  non  vetuit:  sed  quum  videret  in  pedum  complexu  nimis  defixas  esse,  zelum  illum  inconsideratum  moderatus  est  ac  correxit.  Haerebant  enim  in  corporali  praesentia,  nec  alium  eius  fruendi  modum  tenebant,  quam  si  una  in  terris  ageret.  Quare  statuendum  est,  non  ante  prohibitas  fuisse  a  tactu,  quam  vidisset  Christus  stulto  earum  et  intempestivo  desiderio  se  in  mundo  retineri.  Notanda  est  etiam  ratio  quam  subiicit,  quia  nondum  adscendi  ad  patrem.  Iubet  enim  his  verbis  mulieres  affectum  suum  suspendere,  donec  in  gloriam  coelestem  ipse  esset  receptus.  Denique  finem  resurrectionis  suae  ostendit,  non  qualem  sibi  illae  fingebant,  ut  redivivus  in  mundo  triumpharet,  sed  potius  ut  suo  in  coelum  adscensu  possessionem  adiret  regni  sibi  promissi  et  e  patris  dextera  spiritus  sui  virtute  ecclesiam  regeret.  Hic  ergo  est  verborum  sensus,  statum  resurrectionis  non  fore  plenum  et  numeris  omnibus  absolutum,  donec  coelitus  ad  patris  dexteram  sederet:  perperam  ergo  facere  mulieres,  quae  dimidia  tantum  resurrectionis  parte  contentae  illum  in  mundo  praesentem  habere  cuperent.  Duplex  autem  est  huius  doctrinae  utilitas.  Prior  est  ut  sursum  mentes  attollant  quicunque  errare  nolunt  in  quaerendo  Christo.  Secunda  autem,  ut  terrenis  carnis  affectibus  sese  expediant  quicunque  ad  eum  tendunt,  quemadmodum  Paulus  admonet  (Col.  3,  1.  8).  Vade  ad  fratres  meos.  Quidam  fratrum  nomen  ad  Christi  cognatos  restringunt,  sed  male  meo  iudicio:  cur  enim  ad  illos  potius,  quam  ad  discipulos  misisset?  Respondent  illi,  quia  alibi  testatur  Ioannes  illos  fuisse  incredulos  (supra  7,  5).  Sed  eos,  quorum  illic  fit  mentio,  Christum  tanto  honore  dignatum  esse  probabile  mihi  non  est.  Iam  vero  concedant  oportet,  Mariam  obedienter  fecisse  quod  a  Christo  iussa  erat.  Atqui  sequitur  continuo  post  Calvini  opera.  Vol.  XLVII.