32:433  433  PSALMUS  CXLVII!  434  pienda  Dei  iussa  praesto  adsunt.  Myriades  enim  myriadum  (ut  est  apud  Danielem  7,  10)  solium  eius  circumdant.  Transfertur  hoc  nomen  etiam  ad  stellas,  tum  quia  mirabili  ordine  distinctae  sunt,  tum  quod  incredibili  celeritate  exsequuntur  Dei  mandata.  Sed  hic  eadem  ratione  angeli  dicuntur  exercitus,  qua  alibi  principatus  et  potestates  (Coloss.  1,  16)  quia  per  ipsorum  manum  virtutem  suam  Deus  exserit.  3.  (Laudate  eum  sol  et  luna.)  Non  suffragatur  hic  locus  Platonis  delirio,  qui  stellas  finxit  sensu  et  intelligentia  pollere.  Neque  enim  propheta  eas  nunc  in  eodem  locat  gradu  quem  nuper  attribuit  angelis,  sed  tantum  significat,  ubique  fulgere  Dei  gloriam,  quasi  laudes  eius  personarent  clara  voce.  Quo  etiam  oblique  perstringitur  hominum  ingratitudo:  quia  hanc  melodiam  audiet  quisquis  vel  pauxillum  attentus  erit  ad  consideranda  Dei  opera.  Sol  enim  tam  fulgore  suo,  quam  calore,  aliisque  singularibus  donis,  an  non  opificem  suum  celebrat?  Stellae  quum  peragunt  cursum  suum,  coelosque  ornando  terram  illustrant,  an  non  etiam  ebuccinant  Dei  laudes?  Quia  autem  nos  surdi  et  stupidi  sumus,  merito  eos  advocat  testes  propheta,  ut  tarditatem  nostram  #corrigant.  Iam  quod  nominat  coelos  coelorum,  ad  sphaeras  haud  dubie  referri  debet.  Nam  eclipses,  aliique  adspectus  palam  ostendunt  tam  stellas  fixas  superiores  esse  planetis,  quam  planetas  ipsos  diversis  orbibus  sitos  esse.  Hanc  artificii  praestantiam  non  abs  re  commendat  propheta,  coelos  coelorum  diserte  exprimens:  non  quod  re  ipsa  plures  sint  coeli,  sed  quia  non  potest  satis  magnifice  extolli  admirabilis  Dei  sapientia  quam  in  coelis  creandis  adhibuit:  solem,  lunam,  et  stellas  confuse  non  permiscens,  sed  singulis  assignans  proprium  situm  et  domicilium,  multiplices  etiam  cursus  moderans.  Iam  quum  sub  nomine  coelorum  aerem  comprehendat,  vel  saltem  quidquid  spatii  est  a  media  regione  aeris  sursum,  pluvias  vocat  aquas  supercoelestes.  Neque  enim  ulla  ratio  est  cur  fingant  quidam  aquas  residere  super  quatuor  elementa.  Et  propheta  pluviae  descensum  clare  notat  quum  dicit  aquas  illas  esse  desuper.  Nimis  etiam  .serviliter  literae  se  adstringunt  qui  imaginantur  quoddam  in  coelis  mare,  ac  si  illic  semper  aquae  resideant:  quum  sciamus  Mosen  et  prophetas,  ut  se  accommodent  ad  rudissimi  cuiusque  captum,  populariter  solere  loqui.  Ideoque  praeposterum  esset,  quae  apud  eos  leguntur,  ad  philosophiae  regulas  exigere,  sicuti  hoc  loco,  quod  Deus  aquas  in  aere  suspensas  teneat,  hoc  miraculum  commendat  propheta,  quia  hoc  videtur  praeter  naturam  esse  ut  in  sublime  conscendat:  deinde  quum  fluidae  sint,  tamen  consistant  in  loco  vacuo.  Ideo  Psal.  33,  7  dictum  fuit,  teneri  illic  quasi  utribus  inclusas.  Interea  formam  loquendi  mutuatus  est  propheta  a  Mose,  Gen.  Calvini  opera.  Vol.  XXXII.