9:432  Ne  misceamini  [pag.  14]  cum  idololatris  (1  Cor.  5,10).  Nos  vero  non  allegorice  vel  perplexe  caput  hoc  tractamus  :  sed  libere  detegimus  ac  traducimus  l)  vesanum  furorem  quo  ardent  papistae  in  colendis  idolis.  Foedari  ostendimus  Dei  gloriam,  quum  sub  ligno,  vel  lapide,  vel  pictura  repraesentatur.  Duplicari  sacrilegium  liquido  monstramus,  quum  transfertur  eius  cultus  ad  fictitias  imagines.2)  Invocationem  Dei  eversam  esse  conquerimur,  quum  diabolicae  scholae  dubitanter  preces  concipere  iubent,  et  abolito  Christi  patrocinio  innumera  turba  substituitur  in  eius  locum,  dum  sibi  quisque  hunc  et  illum  deprecatorem  asciscit.  Probamus  exitiali  confidentia  praecipites  agi  miseros  homines,  dum  spiritus  gratiam  nonnisi  cooperatricem,  et  quasi  pedissequam,  in  subsidium  liberi  sui  arbitrii  advocant.  Contendimus  mortifero  etiam  veneno  diabolicae  superbiae  inebriari,  dum  salutem  petere  ex  operum  meritis  iubentur,  quae  non  alibi  quam  in  gratuita  Dei  misericordia  reperiri  potest:  dum  peccata  satisfactionibus  pensare  docentur,  ut  se  a  reatu  eximant.  Convincimus  Dei  cultum  extraneis  et  adulterinis  figmentis  corruptum  ita  esse,  ut  nihil  aliud  quam  mera  superstitio  ubique  appareat.  Cominus  cum  dira  et  crudeli  tyrannide  confligimus,  quae  non  tantum  opprimit  miseras  conscientias,  sed  excarnificat.  Ostendimus  quam  foedum  et  intolerabile  ludibrium  sit  hierarchiae  titulum  imponere  barbarae  [pag.  15]  dominationi,  in  qua  nihil  affine  apparet  ecclesiastico  ordini.  Docemus  non  longius  coelum  a  terra  distare,  quam  foedam  papalis  cleri  colluviem-")  a  legitimis  Christi  ministris.  Acriter  invehimur  in  pudendam  ac  nefandam  sacrorum  omnium  profanationem.  Quinque  inanes  caeremoniarum  pompas  docemus  falso  censeri  inter  sacramenta,  quum  ex  hominum  cerebro  manarint.  Baptismum  deflemus  adventitiis  multis  commentis  esse  infectum.  Coenae  vero  loco  detestabile  sacrilegium  erectum  esse:  in  quo  furciferi  fictitia  sua  immolatione  Christum  assidue  crucifigunt,  sacerdotium  eius  scelesto  latrocinio  ad  se  rapiunt,  histrionicum  ludum  fingunt  reconciliationem  mundi  esse:  ac  si  filius  Dei  suo  sacrificio  tantum  monstrasset  quomodo  expianda  sint  peccata.  Panis  frustulum  Dei  loco  ostentant,  ac  si  illic  inclusus  delitesceret:  unde  nascitur  crassa4)  adoratio.  Denique  vestras  omnes  corruptelas,  quarum  decimam  partem  vix  recensui,  evolvimus  et  aperte  explicamus,  ut  caecis  fere  palpabilis  sit  earum  foeditas:  nec  in  tot  controversiis  ullum  est  caput  quod  non  diserte  et  ingenue  excusserimus,  ad  imum  usque  penetrantes.  Gabriel  autem  ab  omni  conflictu  1)  nous  eschaffaudons.  2)  des  marmousets  faitz  a  plaisir.  3)  la  racaille  du  clerge  papal.  4)  charnelle  et  terrestre.