6:432  Comment  est-ce  donc  qu'il  s'estoit  desrobe  pour  n'estre  point  transporte  avec  les  autres?  Il  faut  dire  que  ilz  ont  pense  tromper  le  monde  fort  a*  leur  aise,  veu  qu'ilz  ne  se  sont  soucie  de  se  contredire  apertement,  mais  qu'il  leur  a  sufly  de  mentir  a  gueule  desployee,  ne  se  donnant  point  garde  des  repliques  qu'on  leur  pouvoit  faire.  Il  y  a  finalement  les  larmes.  Une  a  Vendosme,*)  une  a,  Trier,  une  a  sainct  Maximin,  une  a  sainct  Pierre  le  Puellier  d'Orleans:  sans  celles  que  ie  ne  say  point.  Les  unes,  comme  ilz  disent,  sont  naturelles,  comme  celle  de  sainct  Maximin,  laquelle,  selon  leurs  chroniques,  tomba  a  nostre  Seigneur  en  lavant  les  piedz  de  ses  apostres;  les  autres  sont  miraculeuses.  Comme  s'il  estoit  a  croire  que  les  crucifix  de  boys  fussent  si  despitz  [page  60]  que  de  pleurer.  Mais  il  leur  faut  pardonner  ceste  faute,  car  ilz  ont  eu  honte  que  leur  marmosetz  n'en  feissent  autant  que  ceux  des  Payens.  Or,  les  Payens  ont  feinct  que  leurs  idoles  pleuroyent  quelques  foys:  ainsi  nous  pouvons  bien  mettre  l'un  avec  l'autre.  Quant  a,  la  vierge  Marie,  pource  qu'ilz  tiennent  que  son  corps  n'est  plus  en  terre,  le  moyen  leur  est  oste  de  se  vanter  d'en  avoir  les  os;  autrement,  ie  pense  qu'ilz  eussent  faict  a  croire2)  qu'elle  avoit  un  corps  pour  remplir  un  grand  chamier.  3)  Au  reste,  ilz  se  sont  vengez  sur  ses  cheveux  et  sur  son  laict,  pour  avoir  quelque  chose  de  son  corps.  De  ses  cheveux,  il  y  en  a  a  Rome  a  saincte  Marie  sus  Minerve,  a  sainct  Salvador  en  Hespaigne,  a  Mascon,  a  Cluny,  a  Noyers,4)  a  sainct  Mour,  a  sainct  Iaquerie,  et  en  d'autres  plusieurs  lieux.  Du  laict,  il  n'est  ia.  mestier  de  nombrer  les  lieux  ou  il  y  en  a,  et  aussi  ce  ne  seroit  iamais  faict:  Car  il  n'y  a  si  petite  villette  ni  si  meschant  couvent,  soit  de  Moynes,  soit  de  Nonnains,  ou  l'on  [page  61]  n'en  monstre;  les  uns  plus,  les  autres  moins.  Non  pas  qu'ilz  ayent  este  honteux  de  se  vanter  d'en  avoir  pleines  potees,  mais  pource  qu'il  leur  sembloit  advis  que  leur  mensonge  seroit  plus  couvert  s'ils  n'en  avoyent  que  ce  qui  se  pourroit  tenir  dedans  quelque  monstre  de  verre  ou  de  cristalin,  afin  qu'on  n'en  feist  pas  d'examen  plus  pres.  Tant  y  a,  que  si  la  saincte  Vierge  eust  este  une  vache,5)  et  qu'elle  eust  este  une  nourrice  toute  sa  vie,  a  grand  peine  en  eust-elle  peu  rendre  telle  quantite.  D'autre  part,  ie  demanderoye  voulentiers  comment  ce  laict,  qu'on  monstre  auiourdhuy  par  tout,  s'est  recueillv  pour  le  reserver  en  nostre  temps.  Car  1)  dont  l'une  est  a  v.  1663  suiv.  2)  qu'ilz  eussent  faict  accroire  au  monde  1563  suiv.  3)  sarcophagum  mille  cadaverum  G.  4)  Noers  1563  suiv.  ;  Nuceriae  G.  5)  si  s.  virgini  mammae  distentiores  fuissent  quam  vaccae  G.