52:432  ritus  participes,  qui  adoptionis  nostrae  arrha  est  et  testis.  Docet  itaque  Paulus  hoc  verbo,  non  alios  donari  spiritu  regenerationis,  quam  qui  sunt  Christi  membra.  7.  Ut  iustificati.  Si  regenerationem  accipimus  proprio  et  usitato  sensu,  videri  posset  apostolus  iustificatos  ponere  pro  regeneratis:  atque  hoc  aliquando  significat,  sed  rarius.  Nulla  tamen  necessitas  cogit  a  propria  et  magis  genuina  significatione  discedere.  Consilium  Pauli  est,  quidquid  sumus  et  habemus,  acceptum  ferre  gratiae  Dei,  ne  superbe  extollamur  adversus  alios.  Commendat  ergo  hic  Dei  misericordiam,  illi  causam  salutis  nostrae  in  solidum  tribuens.  Sed  quia  de  infidelium  vitiis  loquutus  erat,  non  debuit  gratiam  regenerationis  omittere,  quae  medicina  est  illis  sanandis.  Verum  hoc  non  obstat  quominus  statim  ad  commendationem  misericordiae  redeat:  imo  utrumque  permiscet,  nobis  gratuito  remissa  esse  peccata,  et  nos  in  obedientiam  Dei  fuisse  renovatos.  Hoc  quidem  constat,  Paulum  iustificationem  asserere  gratuitum  esse  Dei  donum:  tantum  quaeritur  quid  per  nomen  iustificationis  significet.  Contextus  videtur  postulare  ut  longius  quam  ad  iustitiae  imputationem  extendat:  in  quo  sensu  raro  (ut  dixi)  invenitur  apud  Paulum.  Nihil  tamen  impedit  quominus  ad  remissionem  peccatorum  possit  restringi.  Quod  dicit,  eius  g  r  a  t  i  a  ,  tam  Christo  quam  patri  convenit:  neque  de  alterutra  expositione  pugnandum  est,  quia  semper  hoc  stabit,  nos  Dei  gratia  per  Christum  iustitiam  adeptos  esse.  Haeredes  secundum  spem.  Particula  haec  vice  expositionis  addita  est.  Dixerat  nos  Dei  misericordia  salvos  factos  esse  :  atqui  salus  nostra  adhuc  abscondita  est  :  ideo  nunc  vitae  haeredes  nos  esse  dicit,  non  quia  praesentem  eius  possessionem  adierimus,  sed  quia  spes  plenam  et  solidam  eius  certitudinem  nobis  affert.  Summa  est,  quum  mortui  essemus,  restitutos  fuisse  in  vitam  Christi  beneficio:  quum  Deus  pater  spiritu  suo  nos  donavit,  cuius  virtute  purgati  et  renovati  sumus,  in  eo  positam  esse  nostram  salutem  :  sed  quia  adhuc  in  mundo  versamur,  nondum  nos  frui  vita  aeterna,  tantum  eam  sperando  obtinere.  8.  Fidelis  sermo:  de  his  volo  ut  confirmes,  quo  bonis  operibus  praeesse  curent  qui  crediderunt  Deo.  Haec  enim  honesta  sunt  et  utilia  hominibus.  9.  Stultas  autem  quaestiones  et  genealogias,  et  contentiones  ac  pugnas  legales  omitte:  sunt  enim  inutiles  ac  supervacuae.  8.  Fidelis  sermo.  Hanc  loquutionem  usurpat  quum  aliquid  vult  serio  asserere  :  quemadmodum  in  utraque  ad  Timotheum  epistola  vidimus.  Ideo  mox  subiicit,  volo  ut  c  o  n  f  i  r  m  e  s  ,  Stapepatouafrac  sub  passiva  terminatione  activam  significationem  habet.  Significat  autem  asseveranter  aliquid  dicere.  Quare