32:432  ducet:  quia  reperiemus  non  propria  virtute  differre  filios  Israel  a  reliquo  mundo,  sed  quia  ipsos  Deus  reliquis  praeteritis  adoptare  dignatus  est.  PSALMUS  CXLYIIL  ARG.  Quo  melius  et  efficacius  exprimat  quam  laudabilis  in  suis  operibus  sit  Deus,  creaturas  omnes  sursum  et  deorsum  ati  canendas  eius  laudes  advocat.  Quamvis  enim  incipiat  ab  angelis,  statim  ad  brnta  animalia,  mutaque  elementa  sermonem  extendit:  significans  nullam  esse  mundi  partem  in  qua  non  resonent  Dei  laudes:  quia  ubique  Deus  clarum  et  disertum  testimonium  potentiae  suae,  bonitati  et  sapientiae  reddit.  Tandem  ad  homines  delabitur,  quos  ipse  legitimos  laudum  suarum  praecones  in  hoc  mundo  constituit.  Sed  quia  increduli  sicuti  ad  consideranda  Dei  opera  caeci  sunt,  ita  etiam  muti  ad  celebrandum  eius  nomen.  Propheta  in  fine  ^psalmi  filios  Israel  quibus  se  propius  Deus  patefecit,  quasi  peculiares  testes  compellat.  Halleluiah.  1.  Laudate  Iehovam  e  coelis,  laudate  eum  in  excelsis.  2.  Laudate  eum  omnes  angeli  eius,  laudate  eum  omnes  exercitus  eius.  3.  Laudate  eum  sol  et  luna,  laudate  eum  omnes  stellae  lucidae.  4.  Laudate  eum  coeli  coelorum,  et  aquae  supercoelestes.  5.  Laudent  nomen  Iehovae:  quia  ipse  mandavit,  et  creata  sunt:  6.  Et  statuit  ea  in  perpetuum,  in  saeculum  posuit  illis  edictum,  et  non  praeteribit.  1.  {Laudate  Iehovam,)  Videtur  tam  stellas  quam  angelos  hic  complecti,  atque  adeo  coelum  ipsum,  aerem,  et  quidquid  illic  gignitur:  quia  continuo  post  sequitur  partitio,  ubi  angelos  primo,  deinde  stellas  et  aquas  coelestes  hortatur.  Quantum  ad  angelos  spectat,  quia  ideo  conditi  sunt  ut  in  hoc  pietatis  officio  sint  assidui,  non  mirum  est  locari  eos  in  primo  ordine,  ubi  de  laudibus  Dei  praedicandis  agitur.  Ideo  in  illa  memorabili  visione  quae  Iesaiae  6,  3  refertur,  clamant  cherubim,  sanctus,  sanctus,  sanctus  Iehova  exercituum.  Et  pluribus  aliis  locis  scriptura  angelos  Deum  talibus  elogiis  celebrantes  inducit.  Quibus  ergo  stimulis  indiget  tanta  alacritas?  Quod  si  incitandi  forent,  quid  tamen  minus  consentaneum,  quam  nos  qui  tanta  segnitie  torpemus,  suscipere  hortandi  partes?  Ergo  David  qui  non  modo  angelos  zelo  non  aequabat,  sed  procul  sequebatur,  nequaquam  idoneus  illis  esse  hortator  potuit.  Sed  neque  tale  fuit  eius  consilium:  imo  simpliciter  testari  voluit  nihil  sibi  esse  gratius,  vel  magis  optabile,  quam  pio  cum  electis  angelis  consensu  Deum  laudare.  Nec  vero  absurdum  fuit,  quo  se  alacrius  accingeret  ad  celebrandas  Dei  laudes,  angelos  qui  sponte  currebant,  imo  viam  monstrabant,  vocare  socios.  Eosdem  in  secunda  parte  versus  vocat  Exercitus  Dei:  quia  semper  ad  exci-