9:431  431  GRATULATIO  432  claram  salutis  lucem  in  lege,  prophetis  et  evangelio  fulgere?  Si  tantum  suspectam  reddere  doctrinam  molitus  esset,  tergiversando  forte  extenuaret  culpam,  sibi  non  aliud  fuisse  in  animo  quam  multorum  levitatem  corrigere.  Nunc  vero  quum  omnes  aditus  scripturae  occludat,  ac  quidquid  ex  ea  proferimus  secure  absque  delectu  repudiari  velit,  quid  agendum  est  cum  tam  effraeni  temulentia?  Ad  spernendam  scripturam  suos  hortatur:  quia  periculosum  sit  ad  eam  attendere.  Velim  ergo  mihi  respondeat,  quibus  armis  se  defenderit  Christus,  ao  Satanae  insultum  repulerit.  Vibraverat  ille  telam  ex  scriptura  sumptum.  Annon  scripturae  clypeum  vicissim  op  posuit  Christus  ?  Plurisne  erit  nobis  semisomnis  ganeo,  quam  dux  ac  signifer  salutis  nostrae,  unicusque  magister,  filius  Dei?  Nec  vero  Paulus,  postquam  certandum  nobis  indixit,  aliis  armis  nos  instruit,  quam  spe,  fide,  evangelii  doctrina:  nec  in  manum  porrigit  alium  gladium  quam  verbum  Dei  (Ephes.  6,  13).  Nam  si  ideo  emergunt  haereses,  ut  qui  probati  sunt  manifesti  fiant,  nunquam  spiritu  discretionis  electos  suos  destituet  Deus.  Atquil)  Satan  eiusque  ministri  se  transfigurant  in  angelos  lucis.  Nempe  ipso  dictante  tibi  [pag.  13]  impositum  fuit  Gabrielis  nomen,  quo  maiore  licentia  satageres  eius  te  angelum  monstrare.  Verum  ut  breviter  transigamus,  quid  iuvat  multas  paginas  farcire  ieiuna  et  frigida  sententia:  quia  scriptura  abutuntur  haeretici,  genuinumque  eius  sensum  pervertunt,  metuendas  esse  insidias?  Frigidum  voco,  quod  ad  praesentem  causam  non  aptatur:  ieiunum,  quod  futiliter  in  aerem  iactatum  sine  fructu  evanescit.  Prudenter  multa  de  haereticis  orthodoxi  doctores,  insulse  vero  Praecentor,  qui  ad  conflandum  nobis  odium  quaecunque  ex  librorum  indicibus  corradere  potuit  testimonia  recensuit,  quum  ne  verbulo  quidem  ullum  in  doctrina  nostra  errorem  attingat.  Longe  alia  nostra  est  agendi  ratio.2)  Neque  enim  linguas  aut  calamos  exercemus  agitandis  communibus  locis,3)  neque  aures  obtundimus  umbratilibus  verborum  praeludiis:  sed  manus  conserimus,  urgemus,  ac  premimus  adversarios,  protrahimus  eos,  quantumvis  subterfugiant,  e  tenebris  in  lucem:  denique  aperte  et  serio  quod  nobis  mandavit  Deus  docendi  munus  et  illustrandae  veritatis  exsequimur.  Quid  Gabriel?  Postquam  longo  verborum  circuitu  se  fatigavit,  4)  ac  si  raram  coronidem  addere  vellet,  fugiendos  haereticos  esse  denunciat,  quia  vel  idolorum  sint  cultores,  vel  coli  appetant  quasi  idola:  quum  scriptum  sit:  Fugite  idola  (1  Ioann.  5,  21):  deinde:  1)  Gabriel  allegue.  2)  Nous  usons  bien  de  nostre  part  d'un  autre  style  et  facon  contre  la  Papaute.  3)  des  propos  confus  qui  ne  font  ne  pour  ne  contre.  4)  apres  avoir  beaucoup  ahanne.