8:431  431  QUATRE  SERMONS,  432  et  le  corps,  il  fault  bien  qu'il  oublie  ce  qui  est  a  l'entour  de  soy.  Retournons  donc  a  ceste  estime  que  fait  David  de  cercher  la  face  de  Dieu,  selon  qu'aussi  il  en  parle  au  Pseaulme  84  (v.  ll),  disant:  qu'il  vault  mieulx  vivre  un  seul  iour  aux  parvis  du  Seigneur,  que  mille  et  en  estre  eslongne.  En  quoy  il  signifie  que  la  vie  des  fideles  ne  scauroit  estre  trop  briefve,  moyennant  que  Dieu  leur  face  ceste  grace,  qu'en  vivant  en  ce  monde  ils  s'exercent  a  le  servir  et  honorer,  se  confermer  en  ses  promesses  et  confesser  son  nom.  Si  quelcun  replicque  quo  cela  [f.  61]  se  peut  bien  faire  en  un  desert,  ou  entre  les  eo  nemis  de  la  foy,  ie  respon  que  ce  n'est  pas  sans  cause  que  David  notamment  exprime  ie  parvis  du  Temple  ;  car  il  considere  combien  l'ordre  de  l'Eglise  est  necessaire  a  tous  hommes  mortels,  attendu  la  rudesse  et  infirmite  qui  est  en  eulx.  Si  ce  propos  estoit  bien  imprime  aux  cueur  s  de  tous,  a  scavoir,  de  venir  seulement  en  une  Eglise  Chrestienne  ou  ils  peussent  mourir  a  repos,  il  n'y  a  celuy  qui  n'eust  bien  tost  trousse  son  pacquet.  Mais  quoy?  Tous  appetent  do  vivre,  voire  a  leur  aise,  et  chascun  selon  la  cupidite  dont  il  est  mene.  Voyla  qui  est  cause  que  le  Temple  de  Dieu  est  mesprise.  Qui  plus  est,  beaucoup  sont  subtils  a  se  metre  devant  les  yeulx  de  mauvais  obiecta,  pour  &e  destourner  de  l'affection  qu'a  eue  David.  Ils  alleguent:  Que  proufiterons-nous  en  changeant  de  lieu?  Nous  trouverons  le  monde  ou  nous  viendrons,  aussi  bien  qu'il  est  en  nostre  pais.  Tout  est  auiourd'huy  corrompu;  il  y  a  par  tout  des  scandales  et  tentations  a  se  desbaucher.  Ie  leur  confesse  tout  cela.  Mais  s'il  estoit  question  de  leurs  corps,  et  qu'on  les  advertist  en  quel  lieu  ils  pourroyent  trouver  bons  medecins,  remedes  propres  et  autres  aides,  diroyent-ils  qu'il  ne  leur  en  chault,  pource  qu'on  peut  devenir  malade  par  tout?  Ie  confesse,  quelque  part  qu'on  soit,  qu'on  rencontrera  des  occasions  de  mal  faire  et  desbauchemens  tant  et  plus.  Mais  il  y  a  grande  difference  d'avoir  les  moyens  que  Dieu  nous  a  donnez  de  nous  retenir  et  redresser,  ou  d'en  estre  du  tout  destituez.  Prenons  le  cas  que  tous  vices  regnent  egualement  au  monde,  et  que  l'air  en  soit  infecte  comme  de  peste,  n'est-ce  pas  un  grand  avantage  d'avoir  les  preservatifs  que  Dieu  a  ordonnez  a  ses  enfans?  d'avoir  les  purges  et  medecines  par  lesquelles  il  nous  veult  guarir?  I'enten  tousiours  la  doctrine  de  l'Evangile,  quand  elle  est  preschee,  les  Sacremens,  quand  on  en  use  comme  il  appartient,  les  prieres  publicques,  et  ce  qui  appartient  a  nous  inciter  et  resveiller,  pour  n'estre  point  empoisonnez  des  tentations  du  monde.  De  tout  cela  chascun  scait  qu'il  n'y  a  rien  en  la  Papaulte,  mais  tout  le  contraire.  Advisons  doncques  qu'en  telle  necessite  que  nous  avons  d'estre