7:431  431  ACTA  SYNODI  TRIDENTINAE  432  mines  miserit,  ut  et  Iudaeos,  qui  sub  lege  erant,  redimeret,  et  gentes  quae  non  sectabantur  iustitiam,  iustitiam  apprehenderent,  atque  omnes  adoptionem  filiorum  reciperent:  hunc  proposuit  Deus  propitiatorem,  per  fidem  in  sanguine  ipsius,  pro  peccatis  nostris:  non  solum  autem  pro  nostris,  sed  etiam  pro  totius  mundi.  Qui  per  Christum  iustificentur.  [pag.  136]  IV.  Verum,  etsi  ille  pro  omnibus  mortuus  est,  non  omnes  tamen  mortis  eius  beneficium  recipiunt,  sed  hi  duntaxat,  quibus  meritum  passionis  eius  communicatur.  Nam  sicut  re  vera  homines,  nisi  ex  semine  Adae  propagati  nascerentur,  non  nascerentur  iniusti,  quum  ea  propagatione,  per  ipsum,  dum  concipiuntur,  propriam  iniustitiam  contrahant:  ita,  nisi  in  Christo  renascerentur,  nunquam  iustificarentur:  quum  ea  renascentia  per  meritum  passionis  eius,  gratia,  qua  iusti  fiunt,  illis  tribuatur.  Pro  hoc  beneficio  Apostolus  gratias  nos  semper  agere  hortatur  Patri,  qui  nos  dignos  fecit  in  partem  sortis  Sanctorum  in  lumine,  et  eripuit  nos  de  potestate  tenebrarum  transtulitque  in  Regnum  Filii  dilectionis  suae.  In  quo  habemus  redemptionem  et  remissionem  peccatorum.  Insinuatur  descriptio  iustificationis  impii,  et  modus  eius  in  statu  gratiae.  V.  Quibus  verbis  iustificationis  impii  [pag.  137]  descriptio  insinuatur,  ut  sit  translatio  ab  eo  statu,  in  quo  homo  nascitur  filius  primi  Adae,  in  statum  gratiae  et  adoptionis  filiorum  Dei,  per  secundum  Adam,  Iesum  Christum  salvatorem  nostrum:  quae  quidem  translatio  post  Evangelium  promulgatum,  sine  lavacro  regenerationis,  aut  eius  voto  fieri  non  potest:  sicut  scriptum  est,  Nisi  quis  renatus,  ete.  De  necessitate  praeparationis  ad  iustificationem  in  adultis,  et  unde  sit.  VI.  Declarat  praeterea  ipsius  iustificationis  exordium  in  adultis,  a  Dei  per  Christum  Iesum  gratia  praeveniente  sumendum  esse:  hoc  est  ab  eius  vocatione,  qua  nullis  eorum  exsistentibus  meritis  vocantur,  ut  qui  per  peccata  a  Deo  aversi  erant,  per  eius  excitantem  atque  adiuvantem  gratiam,  ad  convertendum  se,  ad  suam  ipsorum  iustificationem,  eidem  gratiae  libere  assentiendo  et  cooperando  disponantur:  ita  ut  tangente  Deo  cor  hominis,  per  Spiritus  sancti  [pag.  138]  illuminationem,  neque  homo  ipse  nihil  omnino  agat,  inspirationem  ipsam  percipiens:  x)  quippe  qui  et  Ulam  abiicere  potest:  neque  tamen  sine  gratia  Dei  movere  se  ad  iustitiam  coram  ipso  Ubera  sua  voluntate  possit.  Unde  in  sacris  literis,  quum  dicitur:  Convertimini  ad  me,  et  ego  convertar  ad  vos:  libertatis  nostrae  admonemur.  Quum  vero  respondemus:  Con-  1)  Edd.  illam  recipiens.