6:431  TRAICTE  DES  RELIQUES.  nance,  que  par  images  charnelles.  Eusebe  recite  bien  en  l'histoire  Ecclesiastique,  qu'il  envoya  au  Roy  Abagarus  son  visage  pourtraict  au  vif;  mais  cela  doit  estre  aussi  certain  qu'un  des  commens  des  chroniques  de  Melusine.  Toutesfois,  encore  que  ainsi  fust,  comment  [page  57]  est-ce  qu'ilz  l'ont  eu  du  Roy  Abagarus?  Oar  ilz  se  vantent  a  Rome  de  l'avoir.  Or,  Eusebe  ne  dit  pas  qu'elle  fust  demouree  en  estre  iusque  a  son  temps,  mais  il  en  parle  par  ouyr  dire,  comme  d'une  chose  loingtaine.  Il  est  bien  a  presumer  que  six  ou  sept  cens  ans  apres,  elle  soit  ressuscitee  et  soit  venue  depuis  Perse  iusqu'a  Rome.  Ilz  ont  aussi  bien  forge  les  images  de  la  croix,  comme  du  corps.  Car  ilz  se  vantent  a  Bresse  1)  d'avoir  la  croix  qui  apparut  a  Constantin.  De  quoy  ie  n'ay  que  faire  d'en  debattre  a  l'encontre  d'eux;  mais  ie  les  renvoye  a  ceux  de  Courtonne,  qui  maintiennent  fort  et  ferme  qu'elle  est  par  devers  eux.  Qu'ilz  en  plaident  donc  ensemble.  Lors,  que  la  partie  qui  aura  gagne  son  proces,  vienne,  et  on  luy  respondra.  Combien  que  la  response  soit  facile,  pour  les  convaincre  de  leur  folie.  Car  ce  que  aucuns  ecrivains  ont  dict,  qu'il  apparut  une  croix  a  Constantin,  n'est  pas  a  entendre  d'une  croix  materielle,  mais  d'une  figure  qui  luy  estoit  monstree  au  ciel  [page  58]  en  vision.  Encores  donc  que  cela  fust  vray,  on  voit  bien  qu'ilz  ont  trop  lourdement  erre  par  faute  d'intelligence,  et  ainsi  ont  basty  leurs  abuz  sans  fondement.  Quand  est  de  la  seconde  espece  des  images,  qu'on  tient  en  reliques  pour  quelques  miracles  qu'elles  ont  faict:  en  ce  nombre  sont  comprins  les  crucifix  ausquelz  la  barbe  croist.  Comme  celuy  de  Bourgues  en  Hespaigne.2)  Item,  celuy  de  S.  Salvador  et  celuy  d'Aurenge.  Si  ie  m'arreste  a  remonstrer  quelle  follie,  ou  plustost  quelle  bestise  c'est  de  croire  cela:  on  se  moquera  de  moi.  Car  la  chose  de  soymesme  est  tant  absurde,  qu'il  n'est  ia  mestier  que  ie  mette  peine  a  la  refuter.  Toutesfois,  le  povre  monde  est  si  stupide,  que  la  pluspart  tient  cela  aussi  certain  que  l'Evangile.  Ie  mets  semblablement  en  ce  rang  les  crucifix  qui  ont  parle,  dont  la  multitude  est  grande.  Mais  contentons  nous  d'un  pour  exemple,  assavoir,  de  celuy  de  sainct  Denis  en  France:  il  parla  (ce  disent-ilz)  pour  rendre  tesmoignage  [page  59]  que  l'eglise  estoit  dediee.  Ie  laisse  a  penser  si  la  chose  le  valoit  bien:  mais  encore  ie  leur  demande  comment  est-ce  que  le  crucifix  pouvoit  estre  adonc  en  l'eglise,  veu  que  quand  on  les  veut  dedier,  on  en  retire  toutes  les  images?  1)  Brixiae  G.  2)  Comme  celuy  de  Bourgues  en  Hespaigne.  Item  .  .  .  .  Ces  mots  sont  omis  dans  toutes  les  editions  francoises  apres  1544.  Ils  se  trouvent  dans  la  traduction  de  Gallasius,  ainsi  que  dans  les  deux  redactions  allemandes.