55:431  431  EPIST,  IACOBI  432  ne  symbolum  abusu  profanarent.  Non  aliud  Iacobi  consilium  fuit  quam  Dei  gratiam,  qua  tunc  frui  poterant  fideles,  commendare,  ne  contemptu  aut  negligentia  periret  eius  utilitas.  In  hunc  finem  iubet  accersi  presbyteros.  Unctionis  vero  usus  ad  effectum  spiritus  sancti  restringi  debet.  Hunc  locum  magnifice  iactant  papistae,  dum  extremam  suam  unctionem  venditare  volunt.  Quantum  autem  distet  eorum  corruptela  a  veteri  instituto,  cuius  meminit  Iacobus,  in  praesentia  exponere  supersedeo.  Hanc  partem  lectores  ex  Institutione  discant.  Hoc  tantum  dico,  male  et  inscite  torqueri  bunc  locum,  ut  extrema  unctio  sit  et  vocetur  sacramentum  cuius  in  ecclesia  perpetuo  usus  manere  debeat.  Fateor  equidem  pro  sacramento  usurpatam  fuisse  a  Christi  discipulis  (neque  enim  illis  assentior  qui  medicamentum  fuisse  putant),  sed  quemadmodum  veritas  huius  signi  nonnisi  ad  tempus  duravit,  symbolum  dico  similiter  fuisse  temporale.  Atque  hoc  planum  est:  nihil  enim  absurdius  quam  sacramentum  vocare  quod  inane  sit,  nec  rem  signatam  vere  nobis  offerat.  Donum  sanationis  fuisse  temporale,  fateri  omnes  coguntur,  et  res  ipsa  demonstrat:  ergo  signum  eius  perpetuum  esse  non  oportuit.  Unde  sequitur  non  veros  esse  imitatores,  sed  simias  esse  apostolorum,  qui  unctionem  inter  sacramenta  hodie  reponunt,  nisi  effectum  simul  restituant,  quem  ante  annos  mille  et  quadringentos  Deus  mundo  abstulit.  Ita  nobis  certamen  non  est  an  unctio  fuerit  aliquando  sacramentum:  sed  an  nobis  data  suerit  ut  hodie  quoque  apud  nos  sit  in  usu.  Hoc  posterius  negamus,  quia  constat  rem  signatam  pridem  desiisse.  Presbyteros  ecclesiae.  Ego  generaliter  omnes  comprehendo  qui  regendae  ecclesiae  praeerant.  Neque  enim  soli  pastores  presbyteri  vocabantur,  sed  qui  deligebantur  ex  plebe  quasi  censores  ad  tuendam  disciplinam.  Unaquaeque  enim  ecclesia  suum  quasi  senatum  habebat,  ex  gravibus  et  probatae  integritatis  viris  delectum.  Quoniam  autem  eos  potissimum  eligere  moris  erat  qui  praediti  erant  excellentioribus  donis:  ideo  accersere  presbyteros  iubet,  utpote  in  quibus  maxime  vis  et  gratia  spiritus  sancti  se  exserebat.  Orent  super  eum.  Huc  spectat  ritus  orandi  super  aliquem,  ut  veluti  coram  Deo  sistatur:  quia  ubi  in  rem  praesentem  ventum  est,  maiore  affectu  concipimus  preces:  sicuti  non  modo  Elisaeus  et  Paulus,  sed  Christus  ipse  hac  caeremonia  precandi  ardorem  excitarunt,  et  commendarunt  Dei  gratiam.  Notandum  vero  quod  promissionem  orationi  annectit,  ne  fide  vacua  sit.  Nam  qui  haesitat,  sicuti  rite  non  invocat  Deum,  ita  indignus  est  qui  impetret:  ut  habuimus  capite  primo.  Quisquis  ergo  exaudiri  volet,  certo  apud  se  statuat  non  frustra  se  orare.  Sicuti  Iacobus  donum  illud  speciale  in  medium  profert)  cuius  accessio  tantum  erat  externus  ritus.  Unde