54:431  431  SERMON  V  432  CINQUIEME  SETtMON.  Chap.  I,  v.  7.9.  Pour  bien  faire  nostre  profit  de  ce  passage,  nous  avons  a  retenir  que  ceux  qui  sont  appelez  pour  anoncer  la  parole  de  Dieu,  doivent  ici  recognoistre  quel  est  leur  office  et  devoir,  afin  de  s'acquitter  fidelement  envers  Dieu  et  son  Eglise.  Et  puis  tous  Chrestiens  en  general  ont  a  regarder  ce  qui  est  requis  en  un  bon  Pasteur,  afin  qu'on  n'en  choisisse  point  a  la  volee,  et  qu'un  chacun  ne  ee  gouverne  point  ici  par  faveur  ou  par  ambition,  ou  selon  son  appetit:  mais  qu'il  regarde  le  bien  et  le  salut  commun  de  tous  les  enfans  de  Dieu,  et  que  cela  s'observe  en  ceux  qui  ont  desia  en  office,  qu'ils  n'y  soyent  point  maintenus  sinon  qu'ils  s'y  gouvernent  ainsi  que  le  sainct  Esprit  a  commande.  Et  puis,  d'autant  que  les  vertus  dont  parle  ici  sainct  Paul,  sont  requises  en  tous  Ministres  de  la  parole  de  Dieu,  comme  ceux  qui  doivent  monstrer  le  chemin  aux  autres,  il  y  a  aussi  une  lecon  commune.  Car  si  un  Pasteur  se  gouverne  bien  et  selon  Dieu,  et  que  le  peuple  soit  adonne  a  tout  mal  et  dissolution,  que  sera-ce?  Mais  tout  ainsi  que  le  Pasteur  doit  monstrer  le  chemin,  et  donner  bon  exemple:  aussi  faut-ii  que  tout  le  corps  de  l'Eglise  se  conforme  a  ce  qui  est  ici  contenu.  Or  afin  de  poursuivre  ce  que  dit  sainct  Paul  par  ordre,  nous  avons  a  recueillir  que  ceux  qu'il  avoit  auparavant  nommez  Prestres,  il  les  nomme  Evesques,  qui  signifie  surveillans  ou  superintendans  (comme  on  dit),  et  attribue  ce  nom  a  tous  ceux  qui  doivent  anoncer  la  parole  de  Dieu.  Et  ainsi  c'a  este  une  corruption  et  abus  en  la  Papaute,  voire  en  l'Eglise  ancienne,  qu'un  seul  ait  este  intitule  Evesque:  car  c'a  este  changer  le  langage  du  sainct  Esprit:  et  il  nous  faut  parler  selon  l'Escriture.  Or  nous  voyons  que  Satan  ne  tasche  sinon  de  nous  divertir  de  la  pure  simplicite  de  la  parole  de  Dieu.  Et  puis  c'est  faire  tort  et  iniure  a  Dieu,  quand  on  se  veut  separer  de  Tordre  qu'il  avoit  establi  par  son  authorite  inviolable.  Ainsi  donc  notons  que  tous  ceux  que  Dieu  appelle  pour  anoncer  sa  parole,  et  qui  sont  ordonnez  en  cest  office,  doivent  premierement  estre  meurs  et  posez  comme  Anciens.  Et  puis  ils  doivent  estre  surveillans:  comme  aussi  le  Prophete  Ezechiel  en  parle,  quand  il  les  accompare  a  ceux  qui  font  le  guet  sur  une  tour.  Car  il  n'est  point  ici  question  d'un  titre  de  dignite  ni  de  pompe  :  c'est  une  charge,  voire  bien  difficile  et  pesante,  cependant  que  les  autres  dorment,  de  veiller  et  d'avoir  le  soin  de  tout  le  troupeau.  Voila  donc  ce  que  nous  avons  a  retenir  en  premier  lieu.  Et  ainsi  le  nom  et  titre  que  le  sainct  Esprit