52:431  431  EPJST.  PAULI  AD  TITUM  432  quia  principium  illud  valere  debet  inter  pios,  Deum  non  inanibus  nobiscum  figuris  ludere,  sed  virtute  sua  intus  praestare  quod  externo  signo  demonstrat.  Quare  baptismus  congruenter  et  vere  lavacrum  regenerationis  dicitur.  Vim  et  usum  sacramentorum  recte  is  tenebit  qui  rem  et  signum  ita  con  nectet,  ut  signum  non  faciat  inane  aut  inefficax:  neque  tamen  eius  ornandi  causa  spiritui  sancto  detrahat  quod  suum  est.  Tametsi  autem  neque  abluuntur  baptismo  impii,  neque  renovantur,  nihilominus  vim  istam  quod  ad  Deum  retinet:  quia  utcunque  Dei  gratiam  respuant,  illis  tamen  offertur.  Porro  hic  fideles  Paulus  compellat,  in  quibus  quia  semper  baptismus  est  efficax,  merito  cum  sua  veritate  et  effectu  coniungitur.  Monemur  autem  hac  loquutione,  nisi  velimus  exinanire  sacrum  baptismum,  virtutem  eius  novitate  vitae  esse  comprobandam.  "Renovationis  spiritus  sancti.  Quamquam  signi  meminit,  ut  conspicuam  nobis  Dei  gratiam  faceret:  tamen  ne  in  illo  haereamus,  mox  ad  spiritum  nos  revocat:  ut  sciamus  nos  eius  virtute  non  aqua  mundari,  iuxta  illud  Ezechielis:  Effundam  super  vos  aquas  mundas:  nempe  spiritum  meum  (Ezech.  36,25).  Et  certe  sic  cum  prophetae  verbis  congruunt  Pauli  verba,  ut  idem  ab  utroque  dici  appareat.  Quare  initio  dixi,  Paulum,  quum  proprie  de  spiritu  sancto  agat,  simul  alludere  ad  baptismum.  Ergo  spiritus  Dei  est,  qui  nos  regenerat  facitque  novas  creaturas:  sed  quia  invisibilis  et  occulta  est  eius  gratia,  visibile  in  baptismo  eius  symbolum  conspicitur.  Alii  renovationem  legunt  in  accusativo,  quod  ego  quidem  non  improbo:  sed  altera  lectio  melius  (iudicio  meo)  convenit.  6.  Quod  effudit.  Relativum  apud  Graecos  tam  lavacro  quam  spiritui  convenit:  nam  illis  utrumque  nomen  est  neutrum,  tametsi  quoad  sensum  non  multum  refert:  elegantior  tamen  erit  metaphora  si  lavacro  aptetur  relativum.  Neque  vero  huic  sententiae  repugnat  quod  omnes  promiscue  baptizantur:  nam  quum  effusum  lavacrum  docet,  non  tam  de  signo  quam  de  re  signata  loquitur,  in  qua  sita  est  signi  veritas.  Quum  dicit  o  p  u  l  e  n  t  e  ,  significat,  quo  quisque  nostrum  maioribus  donis  excellit,  eo  magis  Dei  misericordiae  esse  obstrictum,  quae  sola  nos  locupletat,  quum  a  nobis  prorsus  bonorum  omnium  inopes  ac  vacui  simus.  Si  quis  obiiciat,  non  omnes  Dei  filios  tantae  opulentiae  esse  compotes,  quin  potius  Dei  gratiam  tenuiter  in  multos  stillare:  responsio  est,  nemini  distribui  tam  exiguam  mensuram,  quin  vere  censeri  possit  dives:  quoniam  minima  spiritus  gutta  (ut  ita  loquar)  veluti  perennis  fons  est  qui  nunquam  arescit.  Ergo  ad  opulentiam  sufficit,  quod,  quantulumcunque  nobis  detur,  nunquam  deficiat.  Per  Iesum  Christum.  Is  enim  solus  est  ia  quo  adoptamur.  Ergo  idem  est  per  quem  efficimur  spi-