25:431  431  COMMENTARIUS  IN  IOSUE  CAP.  L  432  commodam  habitationem  sufficeret.  Etsi  vero  praedictum  fuerat,  iusta  mercede  infestas  illis  fore  quas  servassent  reliquias,  nihil  tamen  molestiae  perpessi  sunt,  nisi  quum  sua  perfidia  et  continuis  prope  defectionibus  iram  Dei  provocaverant.  Quoties  enim  res  illis  fuerunt  prosperae,  statim  ad  lasciviam  defluxerunt.  Verum  admirabili  interea  Dei  bonitate  factum  est,  ut  oppressi  hostium  violentia,  et  quasi  in  sepulcrum  demersi,  in  morte  tamen  viverent:  neque  id  modo:  sed  ut  subinde  obsisterent  liberatores,  qui  praeter  spem  rebus  perditis  succurrerent.  Mare  magnum  vocatur  mediterraneum,  cui  opponitur  terra  Hitthaeorum:  sicuti  Libanus  Euphrati,  modo  sciamus  sub  Libano  comprehendi  desertum,  quemadmodum  ex  alio  loco  patet.  5.  Non  consistet  quisquam  contra  te  cunctis  diebus  vitae  tuae:  quia  sicuti  fui  cum  Mose,  ita  ero  tecum:  non  te  deseram,  nec  derelinquam.  6.  Confirmare  ergo,  et  roborare:  quia  tu  in  haereditatem  divides  populo  huic  terram,  de  qua  iuravi  patribus  eorum  me  daturum  illis.  7.  Tantum  confirmare  et  roborare  vehementer:  ut  custodias  et  facias  secundum  totam  legem  quam  praecepit  tibi  Moses  servus  meus:  non  recedes  ad  dextram  vel  ad  sinistram,  ut  prudenter  l)  agas  in  omnibus.  8.  Non  recedat  liber  legis  huius  ab  ore  tuo:  sed  mediteris  in  eo  die  et  nocte,  ut  custodias  et  facias,  secundum  id  totum  quod  scriptum  est  in  eo.  Tunc  enim  secundas  reddes  vias  tuas  et  tunc  prudenter  ages.  9.  Nonne  praecepi  tibi,  ut  te  confirmes,  et  te  roberes?  ne  formides  neque  animo  frangaris:  quoniam  tecum  sum  ego  Iehova  Deus  tuus  in  omnibus  ad  quae  tu  perges.  5.  Non  consistet.  Quia  negotium  instabat  cum  multis  et  bellicosis  hostibus,  hac  speciali  *  fiducia  necesse  fuit  Iosue  instrui.  Alioqui  quod  de  tradenda  terra  pollicitus  fuerat  Deus,  subinde  haec  cura  obnubilasset:  at  vero  quantae  molis  erit  tot  gentes  profligare?  Ergo  tollitur  illud  impedimentum.  Ac  quo  melius  dubitationem  eximat,  victorias  Mosis  proponit,  quibus  palam  fecerat  Deus  sibi  in  prosternendis  quibuslibet  copiis  et  viribus  nihil  fore  negotii.  Iubetur  ergo  Iosue  in  suppetiis  quas  Deus  Mosi  tulerat  perspicere,  qualis  futurus  esset  bellorum  eventus,  quae  eodem  duce  et  autore  ipse  suscepturus  erat.  Nam  successioni  continua  gratiae  series  annectitur.  Quod  sequitur,  tametsi  in  eundem  finem  tendit,  verbis  tamen  latius  patet.  Non  te  deseram.  Itaque  apostolus  (Heb.  13,  5)  ab  avaritia  retrahere  volens  fideles,  ad  sollicitudines  quaslibet  pacandas,  et  corrigendos  omnes  nimios  timores  eam  accommodat.  Et  certe  diffidentia  quae  ex  anxietate  nascitur,  tantum  satagendi  ardorem  in  nobis  1)  In  margine:  vel,  prospere.