20:431  431  EPISTOLAE  4174.4177  432  nostra  opera  necessaria.  Nam  si  eo  pervenit  res  ut  silere  non  possimus,  quin  nostrum  silentium  plus  ecclesiae  noceat  quam  eam  iuvare  possit,  rebus  ut  sunt  comparatis,  scito  nos  eos  esse  qui  gratia  Domini  pridem  didicimus  Deo  magis  quam  hominibus  parere  et  res  omnes  nostras  officio  nostro  postponere.  Tantum  metuimus  ne  occasionem  demus  turbarum  et  motuum  qui  res  nostras  disturbent  magis.  Tu  igitur  audito  nuncio  expende  quid  tibi  faciendum  existimares  sic  se  rebus  habentibus,  et  quid  utriusque  *  ecclesiae  consultius  tibi  futurum  videatur.  Non  dubito  quin  mea  unius  causa  haec  magna  ex  parte  sint  procurata.  Non  deero  tamen  meo  officio  ubi  intellexero  quid  a  me  Dominus  magis  requirat  et  quid  nequeam  [sine]  scelere  praeterire  et  ecclesiae  iactura.  Interea  esto  bono  animo  cum  [fratrjibus.  Haec  non  est  tibi  prima  lis  intentata  et  lucta  suscepta.  Seges  est  tibi  nova  amplificandae  latius  gloriae  Christi.  Plausibilius  est  humanae  rationi,  praesertim  fastidiosis  qui  iam  saturi  sunt  usque  ad  nauseam,  quod  a  nostris  adversariis  proponitur.  Nihil  poterit  tam  absurdum  afferri  quod  non  inveniat,  vel  nostri  solo  odio,  patronos  et  applausores.  Quanto  magis  si  species  aliqua  obtendatur,  quae  facile  fucum  faciat  iis  qui  fucis  magis  quam  rebus  veris  delectantur.  Vix  credas  quantum  Be#a  iis  hominum  studiis  commoveatur,  et  quanta  afficiatur  molestia,  et  fratres  omnes.  At  conteret  Dominus  Satanam  sub  pedibus  nostris,  si  modo  Christum  ex  animo  quaerimus  et  precibus  ipsi  suam  causam  committimus.  Salutant  te  nostri  omnes.  Saluta  fratres  et  amicos.  Vale,  frater  amantissime.  Dominus  Iesus  suo  te  spiritu  magis  atque  magis  locupletet  et  confirmet  ut  fortiter  repellas  ab  eius  grege  lupos  et  feras  truculentas  a  quibus  undique  impetitur.  Lausannae.  *)  Tuus  Petrus  Viretus.  4175.  VIRETUS  CALVINO.  Commendat  iuvenem  invito  patre  evangelio  addictum,  et  Stephanum  in  Valles  alpinas  mittendum  ptdat  (Ex  autographo  Cod.  Genev.  115,  fol.  59.)  4174��  1)  Si  quid  videmus  haec  epistola  alludit  ad  causam  Calvini  contra  Zebedaeum  et  Angelum  coram  Bernensibus  evocatum,  et  scripta  est  verrii*  mensibus  a.  1555.  Sed  patiemur  meliora  edoceri.  Cf.  N.  2193.  2203.  2221.