9:430  demonstrabo  quoties  opus  fuerit,  si  obtemperare  placeat  eorum  consilio,  nihil  magis  fugiendum  esse  idololatria  papali.  Hactenus  strenue  vociferando  hoc  adeptus  Praecentor:  quoniam  ecclesia  erroribus  assidue  infestatur,  sedulo  cavendos  esse  haereticos,  et  cordate  ipsis  resistendum.  En  quam  feliciter  liberali  doctrina  imbutus  fuerit,  qui  rem  indubiam  confuse  exagitando  se  magis  et  suam  catervam  quam  adversarios  gravet.  Transit  deinde  ad  hypothesin  :  1)  utcunque  scripturam  obtendant  haeretici,  obserandas  esse  aures:  quia  solenue  illis  semper  fuerit  mundum  hoc  fuco  decipere,  et  iisdem  armis  Christum  aggressus  sit  Satan.  Equidem  iudicio  opus  esse  fateor,  ne  credulitate  nimia  irretiamur,  ubi  laqueos  tendunt  perversi  scripturae  interpretes.  Sed  ideo  fidem  scripturis  abrogare,  quia  eam  adulterino  sensu  vitiant  ac  corrumpunt  haeretici,  et  fallaci  eius  obiectu  capiuntur  simplices,  non  minus  insipidum  est  quam  profanum.  Gloriantur,  inquit,  scripturis  haeretici,  et  Dei  spiritum  sibi  arrogant.  Fateor  sane.  Ergo  penitus  excutiantur,  et  statim  deprehendetur  vanitas.  Praecentor  autem  [pag.  l  l  ]  melodiae  oblitus,  neglecto  examine,  scripturam  repudiari  iubet.  Quanquam  enim  verbo  fatetur  sacram  esse  eius  autoritatem,  et  quam  nefas  sit  convellere,  nec  de  ipsa  esse  controversiam,  sed  tantum  de  sensu:  negat  tamen  aperte  quidquam  in  ea  esse  firmum,  perspicuum,  vel  solidum,  in  quo  tuto  acquiescas.  Summa  redit  ad  vulgare  proverbium  :  Flexibilem  esse  instar  nasi  cerei.  Audacter  enim  negat  ullis  erroribus,  quibus  iam  ab  initio  concussa  fuit  orthodoxa  fides,  allatum  fuisse  remedium  ex  scriptura,  sed  ecclesiae  decretis  fuisse  profligatos.  O  stuporem  plus  quam  beluinum!  Tibi  ergo  Christus  erit  Deus,  quia  sic  placuit  Nicaenae  synodo:  nec  aliud  tuam  conscientiam  contra  Arrium  fulciet,  quam  humana  au  to  ritas?  Quod  si  hodie  superstites  essent  Athanasius  et  eius  collegae,  pecudem  hanc  detestarentur:  quia  nulla  illis  afferri  atrocior  iniuria  potest,  quam  si  quid  asseruerint  non  praeeunte  scriptura.  Si  excipiat,  gubernatos  quidem  fuisse  spiritu  et  verbo  Dei,  simpliciter  tamen  standum  esse  eorum  iudicio,  ut  tollatur  ambiguitas,  et  animi  fluctuare  desinant,  ipsos  quidem  patres  a  temeritate  absolvet,  sed  in  Deum  nimis  sceleste  contumeliosus  ac  blasphemus  erit:  qui  per  Mosem  clamat  se  palam  fecisse  viam  vitae  et  mortis,  ac  in  lege  patefecisse  quidquid  cognitu  utile  erat  (Deut.  30,  15)  :  per  Isaiam  (45,  16)  vero  se  non  in  abscondito  loquutum  esse,  nec  frustra  mandasse,  [pag.  12]  ut  ab  Israele  quaeratur.  Sed  quid  in  re  supervacua  laboro:  quando  eiusmodi  sententiae  passim  occurrunt,  quibus  testatur  spiritus  1)  il  vient  puis  apres  a  specifier.