6:430  maistre  de  Quercu  1)  ne  se  contentoit  point,  et  leur  reprochoit  qu'ilz  estoyent  pires  que  Iuifz;  d'autant  qu'ilz  adoroyent  le  cousteau  qui  avoit  este  instrument  pour  violer  le  precieux  corps  de  Iesus  Christ.  Ce  que  ie  allegue,  pource  qu'on  en  peut  autant  dire  de  la  lance,  des  cloux  et  des  espines,  c'est  que  tous  ceux  qui  les  adorent,  selon  la  sentence  de  nostre  maistre  de  Quercu,  sont  plus  meschans  que  les  Iuifz  qui  ont  crucifie  nostre  Seigneur.  Semblablement  on  monstre  la  forme  de  ses  piedz  ou  il  a  marche  quand  il  s'est  apparu  a  quelques  uns  depuis  son  ascension:  comme  il  y  en  a  un  a  Rome,  en  l'eglise  sainct  Laurens,  au  lieu  [page  55]  ou  il  rencontra  sainct  Pierre,  quand  il  luy  predict  qu'il  devoit  souffrir  a  Rome;  un  autre  a  Poytiers,  a  saincte  Ragonde;  un  autre  a  Soyssons;  un  autre  en  Aries.  Ie  ne  dispute  point  si  Iesus  Christ  a  peu  imprimer  sus  une  pierre  la  forme  de  son  pied;  mais  ie  dispute  seulement  du  faict,  et  dis,  puis  qu'il  n'y  a  nulle  probation  legitime,  qu'il  faut  tenir  tout  cela  pour  fable.  Mais  la  relique  la  plus  feriale  de  ceste  espece,  est  la  forme  de  ses  fesses  qui  est  a  Reins  en  Champaigne,  sur  une  pierre,  derriere  le  grand  autel.  Et  disent  que  cela  fut  faict  du  temps  que  nostre  Seigneur  estoit  devenu  masson  2)  pour  bastir  le  portail  de  leur  eglise.  Ce  blaspheme  est  si  execrable  que  i'ay  honte  d'en  plus  parler.  Passons  donc  outre,  et  voyons  ce  qui  se  dit  de  ses  images;  non  point  celles  qui  se  font  communement  par  paintres,  ou  tailleurs,  ou  menusiers,  car  le  nombre  en  est  infiny;  mais  de  celles  qui  ont  quelque  dignite  speciale  pour  estre  tenues  en  quelque  singularite  comme  reliques.  Or,  il  y  en  a  de  deux  sortes:  [page  56]  les  unes  ont  este  faictes  miraculeusement,  comme  celle  qui  se  monstre  a  Rome  en  l'eglise  saincte  Marie,  qu'on  appelle  in  porticu.  Item,  une  autre  a  sainct  Iehan  de  Latran.  Item,  une  autre,  en  laquelle  est  pourtraicte  son  effigie  en  l'eage  de  douze  ans.  Item,  celle  de  Lucques,  qu'on  dit  avoir  este  faicte  par  les  Anges,  et  laquelle  on  appelle  Vultus  sanctus.  Ce  sont  fables  si  frivoles,  qu'il  me  semble  advis  que  ce  seroit  peine  perdue,  et  mesme  que  ie  seroye  ridicule  et  inepte,  si  ie  m'amusoye  a  les  refuter.  Parquoy  il  suffit  de  les  avoir  notees  en  passant.  Car  on  sait  bien  que  ce  n'est  pas  le  mestier  des  Anges  d'estres  painctres,  et  que  nostre  Seigneur  Iesus  veut  estre  congneu  autrement  de  nous  et  se  reduire  en  nostre  souve-  1)  Le  Pere  Du  Chesne,  cure  de  S.  Jean  en  Greve  a  Paris,  a  Vepoque  de  la  Reformation.  Le  texte  latin  insere  ici  une  note  tres-curieuse:  nam  quum  parocMam  teneret  D.  Ioannis  Arenarii,  donaria  quae  hostiae  offerebantur  illi  obveniebant.  Quantum  dabatur  cultello,  tantum  ex  eius  lucro  minuebatur.  y  2)  latomus  G.