47:430  ad  finem  mundi,  quod  stare  non  potest  sine  eius  vita.  Omnium  vero  clarissime  loquitur  Iesaias,  qui  postquam  mortem  Christi  praedixit  continuo  post  subiicit:  Aetatem  eius  fore  inenarrabilem  (53,  8).  In  summa  tenendum  est,  adeo  plenam  et  omni  ex  parte  absolutam  esse  scripturae  doctrinam,  ut  eius  ignoratio  iure  censeri  debeat  quidquid  fidei  nostrae  deest.  10.  Abierunt  ergo  rursus  discipuli  in  sua.  11.  Maria  autem  stabat  foris  ad  monumentum  plorans  :  porro  quum  fleret,  inclinavit  se  in  monumentum,  12.  Et  videt  duos  angelos  in  vestibus  albis  sedentes,  unum  ad  caput  et  unum  ad  pedes,  ubi  positum  erat  corpus  Iesu.  13.  Et  dicunt  ei  illi:  Mulier,  quid  ploras?  Dicit  illis:  Quia  tulerunt  Dominum  metim,  et  nescio  ubi  posuerunt  eum.  14.  Quum  haec  dixisset,  conversa  est  retrorsum  et  videt  Iesum  stantem  et  nesciebat  quod  esset  Iesus.  15.  Dicit  ei  Iesus:  Mulier,  quid  ploras?  quem  quaeris?  Illa  existimans  quod  hortulanus  esset  dicit  ei:  Domine,  si  tu  sustulisti  eumt  dic  mihi  ubi  eum  posueris  et  ego  tollam  eum.  10.  Abierunt  ergo.  Dubiis  adhuc  et  suspensis  animis  domum  reversos  esse  credibile  est:  quamvis  enim  se  Ioannes  credidisse  dicat,  non  fuit  tamen  firma  illa  fides,  sed  confusus  quidam  miraculi  sensus  et  ecstasi  similis,  donec  melior  accederet  confirmatio.  Et  certe  ex  nudo  adspectu  solida  fides  concipi  non  potuit.  Adde  quod  illis  se  videndum  non  exhibuit  Christus,  donec  melius  a  carnali  suo  stupore  expergefacti  essent.  Laudabile  quidem  ediderant  zeli  sui  specimen  ad  sepulcrum  properando:  Christus  tamen  absconditus  illis  fuit,  quoniam  nimis  superstitiose  illum  quaerebant.  11.  Maria  autem  stabat.  Nunc  incipit  narrare  evangelista,  quomodo  Christus  ad  testandam  suam  resurrectionem  tam  mulieribus  quam  discipulis  apparuerit.  Tametsi  autem  hic  nonnisi  unius  Mariae  fit  mentio,  mihi  tamen  probabile  videtur,  alias  quoque  mulieres  simul  cum  ea  fuisse.  Nam  quod  alii  putant  metu  fuisse  dilapsas,  rationi  non  est  consentaneum.  Volunt  illi  fugere  repugnantiam,  quae  tamen  nulla  est  ut  prius  ostendi.  Iam  quod  discipulis  in  urbem  redeuntibus  manent  ad  sepulcrum  mulieres,  non  est  quod  magnopere  prae  illis  laudentur:  consolationem  enim  et  gaudium  illi  secum  referunt,  hae  vero  in  fletu  inani  et  supervacuo  se  occupant.  Denique  sola  eas  superstitio  cum  affectu  carnali  ad  sepulcrum  detinet.  12.  Videt  duos  angelos*  Mira  Domini  indulgentia,  qui  Mariae  eiusque  comitibus  tot  vitia  condonat.  Neque  enim  vulgari  eas  honore  dignatur  angelos  suos  mittendo  et  tandem  se  ipsum  manifestando,  quod  apostolis  negatum  fuerat.  Tametsi  autem  eodem  morbo  laborabant  apostoli  et  mulieres,