25:430  trum  suum  agnoscit,  quam  ut  stabiliatur  autoritas  Iosue,  qui  in  eius  locum  iam  erat  subrogatus.  Porro  quia  forte  in  nudo  praecepto  non  satis  acquievisset  populus:  ubi  iussit  Iordanem  traiicere,  promittit  pacatos  fore  dominos  totius  regionis,  quocunque  pedem  intulerint.  Nam  sicuti  nihil  nos  magis  ignavos  et  inutiles  reddit  quam  diffidentia:  ita  ubi  felicem  eventum  nobis  proponit  Deus,  vigorem  ad  quidvis  aggrediendum  inspirat  fides.  Adde  quod  non  incipit  nunc  demum  promissione  ante  inaudita  eorum  animos  ad  bene  sperandum  erigere:  sed  in  mentem  revocat,  quod  ante  illis  testatus  fuerat  Moses.  Dicit  ergo  iam  venisse  tempus,  quo  praestet  atque  exhibeat  quod  ante  pollicitus  fuerat  Mosi.  Si  quis  obiiciat,  Abrahae  longe  ante  natum  Mosen  id  fuisse  dictum  :  imo  proprie  a  perpetuo  foedere,  quod  penes  Abraham  depositum  erat,  fluxisse  quidquid  quatuor  post  saeculis  audivit  Moses:  respondeo,  praeteritam  esse  vetustam  promissionem,  quae  passim  nota  erat  ac  celebris;  Mosen  vero  testem  produci,  cuius  recentior  erat  memoria,  et  cuius  morte  quatefacta  fuisset  populi  fides,  nisi  pronunciasset  Deus  omnium  quae  dixerat  effectum  praesto  esse.  4.  A  deserto  et  Libano.  Quomodo  huius  promissionis  veritas  et  effectus  emerserit  supra  obstacula  malitiae  populi,  neque  tamen  ipse  statim  potitus  fuerit  tam  ampla  ditione,  in  praefatione  exposui.  Neque  enim  si  inaestimabiles  suae  beneficentiae  thesauros  explicuerat  Deus,  eos  constituendo  terrae  dominos,  ideo  non  castiganda  fuit  eorum  segnities.  Imo  quod  illis  minitatus  fuerat  Moses  impleri  oportuit,  nisi  gentes  exitio  addictas  delerent,  fore  illis  spinas  et  aculeos,  quibus  latera  et  oculi  eorum  configerentur.  Caeterum,  ut  remora  quadraginta  annorum,  quibus  circumducti  sunt  per  desertum,  minime  cassa  fuit  vel  irrita  promissio:  ita  possessio  integra  quamvis  diu  suspensa  fuerit,  nihil  de  fide  decreti,  quo  adiudicata  fuerat,  mutavit.  Licuit  populo  ad  praescriptos  limites  tempestive  progredi  :  noluit.  Dignus  certe  fuit  qui  prorsus  expelleretur.  Atqui  Dei  indulgentia  concessa  est  regio,  quae  ad