20:430  uti  iam  ab  ipso  primitias  illius  semel  perceperunt.  Atque  hic  est  meae  ad  vos  exhortationis  scopus.  Dominus  vobis  adsit,  ac  vestras  illas  quae  eum  non  latent  infirmitates,  ipse  corrigat,  augeat  in  vobis  dona  sui  spiritus,  animum  et  vires  suppeditet  ad  illud  quod  ipsi  probari  edoctae  iam  estis,  vosque  adeo  manu  praesenti  regat  et  protegat,  ut  luporum  vobis  inhiantium  fauces  inoffensae  evitare  possitis.  Genevae  1554.  4174.  VIRETUS  CALVINO.  Queritur  de  adversariis  quorum  insultus  indies  impudentiores  etiam,  si  opus  fuerit,  scripto  repellere  paratus  est.  (Ex  autographo  Cod.  Gener.  115,  fol.  45.)  Praestantissimo  Iesu  Christi  servo  D.  Ioanni  Calvino  Genevensis  ecclesiae  pastori  vigilantissimo  fratri  et  symmystae  carissimo.  Genevae.  S.  Me  pudet  scriptionis  quam  refert  hic  tabellarius.  Quanquam  non  soleo  exspectare  quidquam  valde  accommodum  rebus  nostris  eo  ex  loco  unde  redit,  falsus  tamen  sum  longe  mea  exspectatione  hac  in  causa.  Sed  quid  agas?  Hic  nos  docet  Deus  quotidie  copiosioribus  et  insignioribus  exemplis  quid  ab  hominibus  sperare  debeamus.  Satis  sit  vobis  Dei  veritas  et  certa  conscientia,  quam  nullae  inferorum  portae  unquam  poterunt  convellere.  Praevideo  quid  Satanas  conetur,  cui  non  deerunt  ministri.  Capti  sunt  multi  taedio  doctrinae  purioris.  Digni  sunt  aliis  prophetis.  Dominus,  qui  hactenus  suam  veritatem  vindicavit  ab  omnibus  insidiis  ut  et  tyrannide  hominum,  eam  non  pateretur  succumbere.  Sed  nos  interea  oportet  exerceri  ut  ex  conflictu  gloriosior  exsurgat  veritatis  victoria.  Necesse  est  plus  laedi  plerumque  Dei  filios  a  domesticis  quam  ab  externis.  Cupimus  ex  te  cognoscere  quae  fuerit  aliorum  sententia  qui  a  vobis  rogati  sunt.  Quid  nobis  acciderit  a  paucis  diebus  ex  hoc  tabellario  intelliges,  quod  obsistat  quominus  ad  vos  publice  scribatur.  Non  statuimus  hoc  dissimulare,  quocunque  tandem  sint  ree  casurae.  Sed  quia  verebamur  ne  maiores  vobis  et  nobis  turbas  concitaremus,  plusque  noceremus  causae  quam  prodessemus  scripto  nostro,  maluimus  ad  tempus  supersedere,  donec  plenius  a  vobis  intelligeremus  quantum  sit