8:43  43  DE  SCANDALIS.  44  habebatur  deorum  contemptor.  Nam  quum  carnales  sibi  deos  fingerent,  nihii  facilius  erat  quam  religione  defungi.  Atqui  videmus,  ut  acriter  in  derisores  invehantur  prophetae:  quod  procul  dubio  non  sine  gravibus  causis  faciunt.  Ergo  impietas,  quae  se  exserebat  in  Dei  ecclesia,  apud  incredulos  nulla  fere  tunc  apparuit.  An  ideo  legem  et  prophetias  flabella  ad  eam  excitandam  fuisse  dicemus?  An  ideo  pura  religio,  quae  hydram  illam  in  lucem  protrahebat,  minoris  censebitur?  Quin  etiam  in  ipsa  Dei  ecclesia,  non  nisi  post  natum  Isaac,  Ismaelis  sannae  se  proferunt.  Qui  antea  secundus  erat  a  sancto  Abrahamo,  repente  in  sceleratum  gratiae  Dei  ludibrium  erumpit:  quo  meretur  a  patris  familia  abdicari.  An  tale  exemplum  Abrahae  domesticos  a  sancta  progenie  alienare  debuit?  Porro,  quod  in  Isaac  tenuiter  fuit  adumbratum,  in  Christo  clarius  exprimi  oportuit:  idque  factum  testatur  evangelii  historia.  Scimus  enim,  ex  quo  in  mundum  ipse  productus  fuit,  quantopere  efferbuerit  eorum  insania,  qui  prius  se  religionis  titulo  venditabant.  Quare  maligna  haec  facessat  opinio,  ex  evangelii  doctrina  scaturire  impietatis  licentiam:  quia  velut  e  latibulis  in  apertam  lucem  protrahitur.  Quin  potius  hoc  ipsum  nos  oblectet,  retegi  ex  multorum  cordibus  cogitationes.  [pag.  53]  Quanquam  huius  rei  alia  quoque  notanda  est  ratio:  nempe  quum  oblatam  evangelii  gratiam  alii  respuant,  alii  contemptim  summis  tantum  labris  gustent,l)  alii  superbe  repudient,  annon  digna  est  omnium  ingratitudo,  de  qua  non  mediocrem  vindictam  Deus  exigat?  Et  profecto  severe  ulciscitur,  quum  adempto  religionis  sensu  in  horrendam  istam  caecitatem  eos  praecipitat.  Quotquot  ergo  videmus  hodie  Lucianicos  homines,  qui  totam  Christi  religionem  subsannant:2)  quotquot  item  Epicureos,  qui  nullo  Dei  metu  ad  quamlibet  nequitiam  se  prostituunt:  totidem  sciamus  a  Deo  nobis  ante  oculos  poni  vindictae  Dei  exempla,  quae  nobis  evangelii  dignitatem  pretiumque  commendent.  Paulus  merito  in  reprobum  sensum  et  foedas  probrique  plenas  cupiditates  coniectos  fuisse  dicit,  qui  Dei  notitiam,  qualis  ex  solo  mundi  aspectu  concipi  potest,  iniuste  suppresserant:  ut  qui  Deum  fraudaverant  suo  honore,  extremae  ignominiae  subiecti,  iustam  reciperent  ingratitudinis  suae  mercedem  (Rom.  1,  28).  Quo  indignius  est  sacrilegium  evangelii  contemptus,  non  mirum  est,  si  atrocior  de  ipso  nunc  sumitur  vindicta.  Quid  enim?  An  qui  scintillulas  in  mundi  fabrica  emicantes  sua  socordia  exstingui  passi  sunt,  iure  plexos  esse  fatebimur:  qui  autem  plenum  gloriae  Dei  fulgorem,  qui  in  evangelio  lucet,  destinata  1)  ils  mettent  le  nez  comme  en  passant.  2)  des  mocqueurs  qui  sous  couleurs  subtiles  se  gabent  de  la  Chrestiente.