7:43  43  ARTICULI  FACULTATIS  PARISIENSIS  CUM  ANTIDOTO.  44  quae  ex  superstitione  concepta  fuerint,  nihili  esse:  nec  quidquam  valere  ad  ligandas  conscientias.  Deinde  votis  temere,  ex  stulta  carnis  confidentia,  conceptis  mature  esse  renunciandum,  antequam  Deus  obstinatam  arrogantiam  puniat.  NOVA  STATUTA  FACULTATIS.  Inhibet  autem  Theologorum  facultas,  iis  qui  de  grege  suo  sunt  magistris,  baccalaureis,  ae  caeteris  gradum  theologicum  nunc  et  in  posterum  profiteri  volentibus:  ne  quoquo  pacto  supradictis  propositionibus  contraria,  aut  in  concionibus  praedicent,  aut  in  lectionibus,  vel  alibi  doceant.  Quin  potius,  quando  se  materia  et  occasio  offeret,  eas  populo  sincere  annuncient  et  aperte  declarent.  Porro  etiam  decrevit,  ut  praefatas  propositiones  singuli  magistri  et  baccalaurei  chirographi  sui  approbatione  confirment.  Et  quum  in  suo  grege  lupos,  et  immorigeros,  contentiososque  alere  tutum  non  sit:  qui  huic  decreto  parere  noluerint,  et  contrarias  praefatis  propositiones  docuerint,  aut  in  posterum  praedicaverint,  e  suo  consortio  eximendos  in  perpetuum  privare  decrevit.  Caeterum  quia  contradicendi  studio,  et  a  maiorum  institutis  discedendi,  plerique  novarum  rerum  et  doctrinarum  studiosi,  laudabilem  Ulam  consuetudinem,  qua  per  intercessionem  beatissimae  Virginis  spiritus  sancti  gratia  imploratur,  negligunt:  monemus,  ne  tantopere  a  salutatione  illa  angelica,  quam  nobis'evangelium  praescripsit,  abhorreant:  neve,  ut  plerique  solent,  quoties  Domini  salvatoris  nostri  mentio  occurrit,  salutiferum  illud  Iesu  nomen  praeponere  dedignentur,  contenti  dicere,  le  Christ,  praesertim  quum,  teste  Petro,  non  sit  aliud  nomen  datum  hominibus,  in  quo  nos  salvari  oporteat.  -Similiter  quum  divorum  apostolorum,  evangelistarum,  aut  sanctorum  doctorum  mentio  inciderit,  ne,  uti  consueverunt,  sine  ulla  honoris  praefatione  nominent,  Paul,  Iacques,  Matthieu,  Pierre,  Hierosme,  Augustin,  neque  sit  eis-  grave  addere  vocabulum  sancti,  et  nominare  sainct  Pierre,  sainct  Paul,  ete.  Et  postremo  ne  defunctorum  animas  populi  precibus  commendare  negligant.  Anno  Domini  1542.  die  10.  mensis  Martii.  Facultas  Theologiae  congregata  per  iuramentum  in  collegio  Sorbonae,  super  articulis  praecedentibus,  probavit  hos  articulos,  sub  forma  qua  scripti  sunt.  Sic  signatum,  de  mandato  Domini  decani  et  facultatis.  Fournier  cum  parapho.  ANTIDOTUM.  Prohibet  Iesaias  omnibus  Dei  discipulis,  ne  dicant:  conspiratis,  quoties  multitudo  conspiraverit  (Ies.  8,  12).  Quo  verbo  significat,  nullis  impiorum  consiliis  aut  parendum  aut  assentiendum  esse.  Sequamur  ergo  quod  deinde  praecipit:  hoc  est,  sanctificemus  Dominum  exercituum,  cum  timore  illi  adhaerendo,  ut  nobis  sit  sanctificatio.  Quicunque  ab